MCWD-Team B nagsolo liderato sa ARENA-7

CEBU, Philippines - Nagmangtas si Army Marata ug maoy nangu sa MCWD-Team B pagdemolis sa Department of Agriculture/Bureau of Fisheries and Aquatic Resources (DA/BFAR), 87-54 sa Association of Regional Executives in National Agencies (ARENA-7) basketball tournament didto sa Sacred Heart School gym sa General Maxilom Avenue, ning siyudad.

Ang abtik ug idlas nga point guard nga si Marata mibahog og 20 puntos aron pangulohan ang MCWD nga nagsolo sa liderato sa ilang 3-0 nga baraha. 

Sa laing duwa, ang Department of Health (DOH) milubong sa Bureau of Customs sa iskor nga 77-56.

Mas daghan unta og mga poste ang BOC nga naglakip nilang Jan Mose, Ferdie Laraga ug Ronan Cañete, apan kuwang sila’g pointguard. Wala sab kaayo mag-igo ang ilang mga shooters.

Didto lang sa first period nakalabaw ang BOC, 18-17, apan human taposa sa DOH ang maong kuwarter sa iskor nga 21-18, wala na kini molingi pa sukad niadto. (BANAT SPORTS)