Thai national sakpang nagdala'g "ammonia"

Usa ka Thai national, kinsa anaa sa corner ni Pornsawan Kratingdaenggym atol sa iyang    World Boxing Organization (WBO) title match batok ni Donnie Nietes niadtong Domingo didto sa grand ballroom sa Waterfront-Cebu City Hotel, mikompirmar atol sa usa ka post-fight interview nga ang kanhi way pildeng Thai knockout artist migamit og “Ammonia” aron maulian kini atol sa crucial moments atol  sa  12-round  nga binakbakay.

Ang “Ammonia” usa ka compound nga sagad ma-encounter sa gas ug adunay isog nga baho. Sagad sab kining gamiton niadtong mga tawo nga mawagtangan og panimuot.

“The Thai national has shown the small bottle confiscated by Filipino trainer Juanito Ablaca from the Thai’s corner after the fight, and confirmed that indeed, it was Ammonia,” matud pa sa report sa philboxing.com.

Hinuon, si Nietes nidaog pinaagi sa unanimous decision, apan tataw kaayo nga nakapurwesyo kini sa iyang ginhawaan.

Sa laing interbiyu sa philboxing.com, si  GAB physician Jose Unabia mibutyag nga ang post-fight urine test nga iyang gipahigayon ni Pornsawam positibo sa Ephedrine, usa ka substance nga makita sa highly-regulated substance. Apan matud pa ni Unabia  nga dili pa “conclusive” ang ilang pagsakop ni Pornsawan, himuon, makatabang kini alang sa dugang pa  nga mga  imbestigasyon.

Gibutyag ni WBO Asia Pacific chairman Leon Panoncillo nga ang paggamit og Ammonia “illegal” sa unsa nga away.