American rider kumawala sa huling 300m, Stage 4 inangkin
CLARK , Philippines — Mula sa tumpukan ng mga pambato ng Kelly Benefits Strategies, nakakita ng butas si Jesse Anthony upang angkinin ang Stage 4 ng 2010 Liquefied Petroleum Gas Marketers Association (LPGMA) Tour of Luzon.
Nagsama-sama sina yellow jersey holder Ryan Anderson, Guy East, David Veilleux at Anthony sa huling tatlong laps ng 80-kilometer race bago makaalpas ang American rider mula sa Beverly, Massachussets sa huling 300 meters patungo sa finish line.
Nagsumite si Anthony ng oras na 1:54:34.48 upang kunin ang lap honors kasunod si Anderson (1:06.91.00) para mapanatiling suot ang yellow jersey mula sa kabuuan niyang tiyempong 5:53:39.42.
Si Joel Calderon ng Smart ay nakalusot sa ikatlong puwesto mula sa bilis na 11.91 sa grupo nina James Perry ng EMG, Veilleux at Jay Tolwntino ng Tagaytay.
``Everybody in our team got really involved. We got really aggressive out there and had a couple of breakaways,’’ wika ng 22-anyos na si Anthony, ang 2009 Tour of Taiwan King of the Mountain.
Nasa laban pa rin sina Veilleux (54.04), East (1:23.22) at Reid Mumford (1:50.72) sa nasabing nine-day race na suportado ng partylist group LPGMA, prime real estate developer Geo-Estate Beacon, Burlington, Schick, Energizer at Liquigaz.
``It could had been any of us in this stage. But the real objective was to protect Ryan’s lead,’’ ani Mumford, team skipper ng Kelly Benefits, isang US-based cycling club.
Nagtapos naman si Baler Ravina ng bilang No. 8 (20.23) at umakyat sa sixth overall (2:10) kasunod sina Irish Valenzuela ng American Vinyl , (3:00.41) Dennis Von Nickalk ng EMG (3:00.44), Santi Barnachea ng Liquigaz (3:01.09) at Alfredo Asuncion ng Geo-Estate Beacon (4:05.68) .
Matapos ang apat na araw na labanan, sasabak ngayon ang natitirang 58 riders sa point-to-point massed start race na may distansyang 145 kilometro mula Subic hanggang San Jose, Tarlac.
- Latest
- Trending