Kapusukan
Dear Dr. Love,
Magandang araw sa iyo Dr. Love. Tawagin mo na lang akong Isabel, 18 anyos at nag-aaral pa. Istrikto ang tatay at nanay ko, at halos guwardiyahan nila ako. Pero sa kabila nito, nagkaroon ako ng boyfriend at minsa’y nag-cutting class ako para sumama sa kanya sa isang lugar na ‘di ko dapat puntahan. Naulit ‘yon ng tatlong beses at ngayo’y namumbroblema ako dahil buntis ako.
Sabi ng boyfriend ko ay ipalaglag namin dahil tiyak na pareho kaming kagagalitan ng aming mga magulang. Dapat ba akong pumayag na ipalaglag ang aking baby? Natatakot din kasi ako sa galit ng aking mga magulang at baka patayin ako.
Isabel
Dear Isabel,
Kapag pinalaglag mo iyan, susumbatan ka ng konsensiya mo habambuhay. Sarili mong anak pinatay mo.
Ang nangyari sa inyong dalawa ng boyfriend mo ay bunga ng kapusukan na hindi sana nangyari kung nag-isip-isip kayo pareho.
Ang magagawa mo ngayo’y isa lang. Ipagtapat mo sa iyong magulang ang nangyari. Tiyak na magagalit sa iyo pero hindi ka papatayin ng mga iyan.
Lahat ng mga pagkakamali ay may kaukulang consequence na dapat harapin. Ginawa mo iyan, puwes harapin mo ang bunga nito gaano man kasakit.
Dr. Love
- Latest
- Trending
