Bebot sinalvage, bangkay inihagis sa bangin
MANILA, Philippines - Sinalvage ng dalawang lalaki na sakay ng motorsiklo ang isang babae na kanilang kasama at nang masigurong patay na ay inihagis nila ito sa isang bangin kamakalawa sa Provincial Road, Purok 3, Brgy. Guling, Guipos, Zamboanga del Sur.
Patuloy pa ring inaalam ng pulisya ang pagkakakilanlan ng biktima na tadtad ng mga tama ng cal. 45 pistol sa likuran ng ulo at katawan na isinalarawan na nasa pagitan ng 18 -20 anyos, may taas na 4’11†hanggang 5’1†at nakasuot ng stripe na blusa, maong pants na may kulay puti at pulang kombinasyon at kulay itim na sandals.
Sa salaysay ng mga residente sa lugar na dakong alas-3:30 ng madaling-araw nang marinig ang ingay na nilikha ng isang paparating na motorsiklo at nakita nila ang dalawang lalaki na nasa gitna ang nasabing babae.
Ilang saglit pa ay nakarinig ang mga tao rito ng sunud-sunod na putok ng baril sa nasabing lugar at pansamantalang huminto ang nasabing motorsiklo habang kaladkad ang nasabing biktima.
Natakot ang mga residente na lumapit dahil sa takot sa mga armadong suspek at kinaumagahan ay nadiskubre ang bangkay ng nasabing babae na inireport ng mga residente dito sa himpilan ng pulisya.
- Latest
