Hyundai mopasiugda'g football-related event

CEBU, Philippines - Susama sa FIFA World Cup ang mabatyagan sa local football fanatics sa pagpasiugda sa Hyundai Motors Corporation og football-related event nga ulohan og "Life Changing Encounter" diha sa Hyundai's Showroom sa A.S. Fortuna street sa dakbayan sa Mandaue ugma sa ala-1:30 sa hapon.

Usa ang Hyundai sa mga sponsors sa nagpadayong World Cup.

Tuyo sa Hyundai nga ang local football community makasuway sa nahisgutang matang sa duwa pinaagi sa pagpahigayon og mga kalihukan.

Mao kini ang gipahibalo ni Lowell Belarmino, ang Hyundai General Sales Manager dinhi sa Sugbu pinaagi sa e-mail.

Ang mga kalihukan ugma naglakip sa FIFA-poster making contest, dance contest ug fan of the match games event.

Give-aways nga naglakip sa footballs gikan sa FIFA ang ipremyo ngadto sa mga mananaog. – BANAT NEWS