Pimentel, Mactan Hotmen nagmangtas

CEBU, Philippines - Girakrakan sa Pimentel Brokers-D Force ang Enforcement Security Service (ESS) X-Ray, 83-53, samtang ang Mactan Hotmen ni Collector Bingo Matugas mikompleto sa 4-0 sweep sa elimination round human sab nila gimasaker ang Caburnay Brokers, 75-54 sa nagpadayong Bureau of Customs (BOC) 1st Port of Cebu Sportsfest didto sa Benedicto College gym sa Banilad, dakbayan sa Mandaue.

Ang Pimentel Brokers nga gipanag-iya ni Marty Pimentel, naghupot na og 3-0 nga baraha aron mag-una sa bracket B.

Si Albert Arong mipabuhagay og 19 puntos, samtang sila si Jun Borromeo ug Francis Ibo midugang og 13 ug 12 puntos matag usa.

Aron pagpaila nga ilhon silang lehitimong title contender, ang Pimentel mi-iskor og 28-7 paghuman sa first period ug gitapos ang halftime sa iskor nga 47-19.

 Si Jingjing Rama, kinsa nangigo gikan sa three-point territory maoy nangulo sa ESS sa iyang 21 puntos.

Puntos Matag Usa

Unang duwa:

Pimentel (83) - Arong 19, Borromeo 13, Ibo 12, Bensi 8, Condes 7, Pangue 6, Pablo 5, Allerte 4, Macasero 4, Nadal 3, Solante 2

ESS-X Ray (53) - Rama 21, Manlosa 14, Monteno 10, Rabago 2, Dela Cruz 2, Regidor 2

Ikaduhang duwa:

Mactan (75) - Clapano 12, Sesante 8, Ruiz 8, Bugtai 8, Ramos 8, Sillar 7, Ararao 7, Jayme 5, Yu 5, Mata 3, Remonde 2, Maningo 2

Caburnay (54) - Francia 16, Quijano 9, Amagan 8, Elorde 6, Diamada 5, Lim 4, Sala 2, Mendoza 2, Parawan 2. – BANAT NEWS