Argao mipukan sa Dalaguete sa Galeos Cup

CEBU, Philippines – Midaog ang host team Argao batok sa ilang silingang lungsod nga Dalaguete, 88-77 sa Inter-town division sa Mayor Edsel Galeos Cup 2009 summer basketball tournament niadtong Domingo didto sa bag-ong natukod nga President Diosdado Macapagal Sports and Cultural Center sa lungsod sa Argao sa habagatang bahin sa lalawigan sa Sugbu.

Sila si Giovanni Getalaga ug Kenneth Jay Allawan maoy nangulo sa opensiba sa Argao ug mao sab ang midagkot sa mainitong rally atol sa fourth period.

Si Getalaga mi-iskor og 22 puntos, samtang si Allawan midugang og 16 puntos alang sa Argao. Giabagan sab sila nilang Tyrone Birondo, kinsa mi-iskor og 13 puntos, samtang sila si Adrian Tapere ug Janjan Cahilig parehong mi-iskor og 10 puntos.

Si Dennis Selerio maoy nangulo sa habig sa Dalaguete sa iyang 18 puntos.

Sa Inter-zonal division, ang Simple Minds nimasaker sa Poblacion Looc Wrigglers sa iskor nga 120-58 nga maoy kinadak-ang biya sa nahisgutang torneyo.

Ang Cabalbotal team mibuntog sab sa Mountain Eagles sa iskor nga

82-67.

Pito ka players sa Simple Minds ang mi-iskor og double figures pinangulohan ni Christian Lopez, kinsa mihipos og 20 puntos.

Bugtong si Arlon Cahilig lang ang nakahimo’g double figures alang sa Looc Wringlers pinaagi sa iyang 12 puntos.

Sa laing bahin, sila si Gilbert Manlapiz ug Jeffrey Enclonar maoy nangu sa Cabalbotal nga mirehistro og 12 puntos matag usa. Samtang ang nabuntog nga Mountain Eagles gipangulohan ni Pipoy Abella sa iyang 14 puntos.

PUNTOS MATAG USA

Unang duwa:

Argao (88) - Getalaga 22, Allawan 16, Birondo 13, Tapere 10, Cahilig 10, Boltiador 4, Buena 4, Bonachita 3, Pandangoyon 2, Escalante 2, Rubin 2

Dalaguete (77) - Selerio 18, Orozco 15, Belarme 15, Almagro 8, M. Castañes 8, Sembrano 5, Arias 4, W. Castañes 4, Ysao 2

Ikaduhang duwa:

Simple Minds (120) - C. Lopez 20, J. Sosas 18, Amores 16, Dublin 14, Lim 13, Gayrama 10, Ortiza 10, Parautor 6, Rubin 4, M. Lopez 4, Palata 3, R. Sosas 2

Poblacion B (58) - Cahilig 12, Lanete 8, Rubia 7, Villanueva 6, Ramirez 6, Remrosa 1, Dela Cruz 1

Ikatulong duwa:

Cabalbotal (82) - Eclonar 12, Manglapiz 12, J. Anglit 10, N. Enclonar 10, Gelbolingo 10, Zeta 8, Baluran 6, G. Anglit 6, Alcarez 4, Manibog 2, Locion 2

Mountain Eagles (67) - Aballe 14, Templa 12, Gonzaga 12, Torreleza 11, Camaling 8, Betonta 3, Villafuerte 3, Jorge 2, Caminse 2 (Gabby G. Malagar) – BANAT NEWS