Realtors giba sa Giants

Hindi pinalagpas ng Purefoods Chunkee ang larong ito para makamit ang matamis na panalo.

Ito’y dahil isa sa kani-lang veteran player na si Jun Limpot ay nagdiwang ng ika-34th kaarawan kahapon.

Dahil dalawang sunod na silang natatalo.

At nais nilang maihak-bang ang unang paa sa awtomatikong semifinal slot sa San Mig Coffee-PBA Fiesta Conference.

Kung dati ay sinosolo ni impoirt Marquin Chand-ler ang trabahong ihatid sa panalo ang Chunkee Giants, binigyan niya ng pagkakataong makatu-long ang mga locals kung saan nagdeliber ng husto si James Yap at Kerby Raymundo para sa 84-75 panalo kontra sa Sta. Lucia Realty sa Cuneta Astrodome kagabi.

"It’s (panalo) a good birthday gift to Papa Jun (Limpot)," ani coach Ryan Gregorio ng Purefoods na nakakasiguro na ng play-off para sa huling auto-matic semifinals slot. "We dedicated this game to him. He’s been playing unselfishly for the team."

Nagkaroon kaagad ng puwang si James Yap sa kaagahan ng laro ng kumamada ito ng 14 sa kanyang game-high na 27-puntos sa unang quarter para bigyan ng distansiya ang Chunkee Giants, 30-21 sa pagta-tapos ng naturang yugto.

Buhat dito, hindi na nagkaroon pa ng pagka-kataong makatikim ng kalamangan ang Realtors na ang tanging nagawa ay maidikit ang iskor sa 66-68 sa kaagahan ng fourth quarter matapos mabaon ng hanggang 12-puntos.

Katulong ni Yap ay si Kerby Raymundo na tumapos ng 18-puntos habang ang regular top scorer na si Chandler ay may 16-puntos.

Naglalaban pa ang Red Bull Barako (7-7) at Air21 (7-6) habang sinu-sulat ang balitang ito. Kung mananalo ang Red Bull, tuluyan nang aang-kinin ng Giants ang isa sa dalawang automatic semis slot.

Samantala, dumating na ang kapalit na import ni Tee McClary ng Alaska na si Odel Bradly. Si Bradley ay 24 anyos at may taas na 6-4 galing sa Tennessee.

Nakalapit man ang Sta. Lucia sa dalawang puntos, hindi nila nasusti-nihan ang rally na siyang dahilan ng kanilang pag-bagsak sa 6-9 record .