Nutri-licious taob sa John O

PAMPANGA – Nagsama ng lakas sina Mark Macapagal at Ricky Calimag para pamunuan ang krusiyal na atake sa huling limang minuto ng laro nang pabagsakin ng John-O ang Nutri-licious, 83-78 kahapon sa PBL Outreach Tour sa University of Assumption gym dito.

Nagpasabog ang dalawang manlalaro ng 10 puntos sa 13-3 bomba na kanilang pinakawalan upang ihatid ang John-O sa pangunguna sa huling 1:42 ang nalalabi sa laro.

Umahon ang John-O sa 70-71 nang magsalpak si Macapagal ng jumper at tres, kasabay ng pagkamada ng tres ni Erwin McCoy para agawin ang 78-72 pangunguna tungong 3:39 ang nalalabing oras.