EDITORYAL - Taktakon ang sad-an

Suma pa sa balita, 31 ka mga sakop sa City Traffic Operations and Management kun CITOM ang nag-atubang karon og dismissal tungod kay gidudahang nangurakot (extortion).

Apan kining 31 nga giakusahan og extortion gipaubos pa sa dugang imbestigasyon ug anha na kini patiri kun ang ebidensiya batok kanila solido ug way buslot.

Nanghinaut ang mga tigpaniid nga kun mamatud-an gayud nga sad-an kining 31 ka traffic enforcer dili langay-langayon ang pagpalagpot kanila.

Mao ra nay usa ka paagi nga maangkon sa CITOM ang respeto sa katawhan.

Ug mao sab kanay makapahunahuna sa mga tarong nga enforcer sa pagpadayon sa ilang pagminatarong sa ilang trabaho. Ni Juanito . JABAT