^

PSN Opinyon

Artista ug atleta, mosalir kaha isip politiko?

HINUKTOKI - Pepita Jane Petralba, Nixon Kua -
Tingali tungod sa atong kahimangod sa sitwasyon sa atong nasud ug kakulang na sa pagsalig sa mga politiko, ilabi na pagkahuman sa rehimen ni Presidente Marcos nga giila unta nga maayong laki, kulang na kita sa pagsalig sa mga tang-an nga politiko. Hilasan na kitang maminaw sa mga tahor nga kandidato nga maayo kaayong mobalay-balay sa ilang mga pulong inig diskurso. Nahimo na ganing komedya nga sa mga ingong pundok-pundok, ang maminaw mao lamang ang mga hinakot ug binayran. Kon walay kuwarta ang kalihokan, hayan ang tag-iya ra sa petromax ang magpabilin sa plaza.

Nahitabo na hinuon nga kun kinsa ang makalingaw nga paminawon, maoy atong ibutang sa pwesto ug pilion. Mao nga ang mga kandidato usab, maningkamot paglingaw kanato. Mosayaw sila, mokanta, mobalak, magpaka-gago pa gani kun mao kini ang paagi nga malingaw kita. Diha gani kitay gituboy pagka-presidente tungod kay nisikat siya sa makalingaw niyang iningles.

Kadtong politikong dili artista apan gustong molansar, mokuha gyud silag artista nga mo-indorso kanila. Kon dili gani, sila mismo ang moapil sa mga salida sa telebisyon ug mag-paimbitar sa mga programa aron makit-an sa mga tawo nga mag-inartista.

Ug busa nahitabo usab nga ang mga artista misulod na sa politika. Ang medyo laos na, magkonsehal una, kadtong sikat pa, mag-senador. Mao usab ang mga atleta. Ubay-ubay gyud ang mga basketbolista nga misulod sa politika. Aduna man gani dinhi sa Syudad sa Sugbu ug Syudad sa Mandaue. Adunay arang-arang moserbisyo, aduna say gasangkiig.

Giila ang Sugbu nga dili mahilig mobotar sa artista nga politiko. Niadtong tuig 2004, giingong napilde si Presidente Erap dinhi sa Sugbu kay ang iya rang gisaligan mao ra man kuno ang iyang pagka-artista. Pag-ari ni Manny Pacquiao dinhi sa Sugbu, ang mga Sugbuanon mipakita usab sa ilang dili pag-uyon sa pagsulod ni Pacquiao sa politika.

Kun atong subayon kon unsay agi sa mga artistang politiko, si kanhi Senador Ramon Revilla wala kaayo magpakita og labok sa Senado. Gani, medyo adunay mga kataw-anan ug makauulaw nga sitwasyon nga naglambigit sa atong mga artistang politiko. Mediocre lang ang performance sa uban. Mao usab si Tito Sotto. Mao usab si Jaworski. Ug daghan pang uban.

Matag piniliay, mohatag kita nianang gitawag nga benefit of the doubt ngadto sa atong mga kandidato. Bisan ang kandidato walay kasinatian sa pamolitika ug pagpadagan sa gobyerno, ato gihapon siyang hatagan sa kahigayonan nga moserbisyo sa goberno. Apan sa atong kasinatian, wala gyud kaayoy exceptional nga mga gipanghimo ang mga artista ug atleta samtang sila napili ug nahimong mga politiko. Kining maong kasinatian mamahimo unta natong giya sa pagpili karong umaabot nga piniliay.

Alang sa inyong mga panahom ug reaksyon, palihug e-mail sa [email protected] o text sa 0915-5536986. Daghang salamat.

ATONG

MAO

PRESIDENTE ERAP

PRESIDENTE MARCOS

SENADOR RAMON REVILLA

SUGBU

SYUDAD

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with