Pops & Rica, iisa ang bf ?

Pinili na kahapon ang anim na pelikulang official entry sa 2000 Metro Manila Film Festival. Ito ay ang The Ping Lacson Story (Millennium Cinema), Sugatang Puso (Regal Films), Tanging Yaman (Star Cinema), Spirit Warrior (Regal Films), Deathrow (GMA Films) and Markova (RVQ Films).

Rica Peralejo denies na boyfriend niya rin si Tonton Manlongat na balitang boyfriend ni Pops Fernandez. Ayon kay Rica friends lang sila - no more, no less.

"Totoong lumalabas kami, pero always group dates, hindi kaming dalawa lang," paliwanag niya after the presscon of Ex-Con starring Victor Neri.

Sinabi na rin ni Rica na exclusive na siya sa Viva Films pero puwede na uli siyang mag-guest sa mga shows ng ABS-CBN. Nagkaroon kasi ng problema sa kanila ng Talent Center matapos siyang mag-guest sa show ni Fernando Carillo nang dumating sa bansa.

Naging rason ‘yun para i-terminate ang contract niya. "Ngayon po okey na. Puwede na uli akong lumabas sa ASAP." Bale mommy na lang niya ang nagha-handle sa career niya ngayon.

May kanya-kanyang kuwento ang bawat isang artista sa Tanging Yaman. Of course, si direk Laurice Guillen - ang tungkol sa mga karanasan nilang mag-asawa - Johnny Delgado -- sa seven years nilang pagkawala sa showbiz dahil sa pagsisilbi kay Mama Mary. Si Dina Bonnevie ay nagsabing kung hindi sa pelikulang ito, malamang na sa Switzerland na lang siya mamuhay ng normal kasama ang anak na si Danica. Maging sina Marvin Agustin, Jericho Rosales, Janette McBride and Carol Banawa ay may kanya-kanyang interesting stories. Naging basehan ‘yun para maka-relate silang lahat sa kanila-kanilang role sa Tanging Yaman partikular na sina Janette and Carol.

Si Janette in real life ay produkto ng broken family. She was only 12 when her mom and Australian dad separates. Dalawa lang silang magkapatid. Ngayon, may ibang pamilya na ang dad niya sa Australia na nagtatrabaho sa isa sa pinaka-malaking mail company doon. Ang mom naman niya ay nagbalik sa Australia pagkatapos mag-stay dito for one year. Nagwo-work ang mother niya as factory worker, minsan cleaning woman sa isang restaurant.

In a way, accepted na niya ang situation ng kanyang pamilya. "Pero everytime na darating ang Christmas, lagi ko pa ring wini-wish na sana ngayong Pasko, sama-sama uli kami," she avers.

Anyway, first movie ni Janette ang Tanging Yaman. Medyo na-surprise nga siya nang sabihin ng Talent Center na makakasama siya sa nasabing pelikula. "Ang reaction ko, na-shock ako dahil sabi ko, drama ang first movie ko. Tapos si direk Laurice pa ang kasama.

"Actually, tatlo kaming pinagpilian for that role and I’m lucky enough dahil ako ang napili," she explains. She plays Madeline, the headstrong daughter of Grace (Dina) in the movie. Madeline grew up in the States, so one would think that Janette would just take the role in stride. "Many people told me that I fit the role perfectly and that it would be easy for me to play the role kasi from abroad din ako. Well, it’s not that simple, for one I have a different accent when I speak English, which I had to shed. The character, okey lang."

Hindi naman siya nahirapang mag-adjust to work with the likes of Dina, Gloria, Edu, Johnny and direk Laurice. "Kaya nga grabe ang pressure noong first shooting day. Natatakot ako kasi akala ko mahihirapan ako, it was pretty scary for a begginer like me. Pero hindi pala. Masaya kami at very supportive sila sa akin. I should be proud pa nga dahil I was able to work with them."

Si Carol Banawa naman ay naka-recover na sa pagkawala ng brother niya. "Last year nang sumali ako sa Shanghai International Song Festival, medyo kinakabahan ako pero parang nandoon si kuya ko kaya bigla akong nagkaroon ng self-confidence.

May lines ako sa movie (Tanging Yaman) na parang ganoon kaya relate na relate ako sa dialogue na ‘yun," she confesses. Last year ay pinag-usapan ang tungkol sa pagkamatay ng kuya niya habang hinihintay siya sa loob ng car sa isang parking area. Actually, damay ang father niya. Pero naka-survive ito.

Anyway, she was 15 nang mag-on sila ni Paolo Contis na 12 years old pa lang during that time. Two years din silang nag-on. Bale si Paolo ang first boyfriend ni Carol na nag-start sa Ang TV. "Hindi nga alam ng iba na nag-on kami ng ganoon katagal eh," sabi ni Carol. Akala nila hanggang loveteam lang sila. Ngayon friends pa rin sila ni Paolo.

After Paolo ay naka-on niya si Carlo Muñoz (Billy of PLDT). Pero almost eight months na silang split. Meron siyang crush ngayon, si Luis Allandi ng Talent Center din.

Samantala, hindi naman na-hurt si Carol nang hindi siya makapasa sa audition sa Miss Saigon. "Sa first audition okey pa ako pero pagdating ng second audition, napi-feel ko na hindi na ako makakapasa. Okey lang. I was really destined for Little Mermaid."

Nag-stop ngayon ng schooling si Carol sa University of Asia and the Pacific.

Going back to Tanging Yaman, favorite apo ni Gloria Romero ang role niya sa pelikula. "Very fortunate ako to work with a brilliant director like direk Laurice. Tapos lahat pa ng magagaling na actor nakasama ko rito."

Pang-fifth movie niya na ito - Ang TV (The Movie), Hiling, Nagbibinata, Calvento Files and Tanging Yaman.

Darating sa opening ng Dickies, the largest workwear company in the world, sa Robinson’s Place Manila bukas ng hapon sina Rowell Santiago, Randy Santiago, ABS-CBN news reporter Ira Panganiban, Piolo Pascual, Carlos Agassi and Wowie de Guzman with Michelle Bayle and Jet Alcantara. Ang nasabing grand opening ng Dickies’ sa bansa will showcase the company’s wide range of work apparel from its staple work pants and work shirts to items such as chore coast and denim jeans.

Susundan ang opening ng launch party sa TGI Fridays sa Robinson’s din where hot bands led by 7 Shots of Wisdom, Magic Touch, Legit Misfitz, L-Smith and Threelogy along with DJ Kimozave, DJ Coki, DJ Radikal MK11, DJ Paul, DJ Dexter, AD Archie and DJ Jan will all fire-up the dance floor.