^

Food delivery service inspeksyonon

Sheriza Mae Uy (Banat) - August 18, 2020 - 12:00am

CEBU, Philippines — Tungod sa pagduda nga gigamit sa mga sindikato sa ilegal nga drugas ang mga courier companies apil na food deliveries nga giisip nga essential ug exempted sa inspeksyon, susihon na ilang dala diha sa mga checkpoints.

Gimando ni CCPO Director Police Colonel Josefino Ligan magpahigayon og istrikto nga motor stopping sa tanang mga motorsiklo human nga usa ka food delivery rider ang nadakpan sa PDEA-7 sa Barangay Sambag 1 ug nakuhaan og usa ka kilong shabu sa miaging semana.

Ang suspek nga si Baltazar Flores Eranes Jr. 40, taga Barangay Ermita Dakbayan sa Sugbo mihimakak nga nasayod siyang shabu ang gipahatud kaniya.

Tungod niini dako ang pagduda ni Ligan nga gigamit na karon sa mga ilegalista ang mga delivery services nga exempted sa estriktong inspeksyon.

Sa pikas bahin, usa sa top 10 most wanted drug personality sa Cebu City Police Office (CCPO) ang nadakpan sa buybust operation niadtong Domingo sa gabii sa Ermita Proper Barangay Ermita Dakbayan sa Sugbo.

Ang gidakop mao si Warren Rosas, 36, nagpuyo sa maong lugar. Nadakpan kini sa grupo ni CCPO- City Intelligence Branch (CIB) chief Police Major Randy Caballes.

Matud ni Caballes nga si Rosas dugay na nga namonitor ug giila sab kini nga usa sa mga supplier sa illegal nga drugas sa dakbayan.

Nakuha gikan sa suspek ang Rosas gibanabana nga 110 gramos kun mobalor ngadto sa P748 mil nga gidudahang shabu. /IBM (BANATNEWS)

FOOD DELIVERY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with