Banat - Balita | Philstar.com

Bisan mipahibalo si Governor Pamela Baricuatro nga dili na ipadayon sa iyang administrasyon ang Pasigarbo sa Sugbo, posible nga mobalik kini nga selebrasyon nga mas simple ug dili kaayo magasto.

Ang Department of Labor and Employment (DOLE) nagpagawas sa Labor Advisory No. 11, Series of 2026, nga naglatid sa mga lagda sa pagbayad sa sweldo sa mga empleyado nga mosulod o dili mosulod sa trabaho atol sa regular holiday sa Hunyo 12, 2026, isip paghinumdom sa Independence Day.

Wala pay usa ka bulan sukad gipahibalo ang plano alang sa usa ka dako nga mixed-use government estate sa Naga City, giusab na karon sa Cebu Provincial Government ang pipila ka bahin sa maong proyekto, lakip ang posibilidad nga ibalhin sa Bogo City ang gitukod unta nga sports hub.

Usa ka bag-ong paglaum alang sa literacy ang mabati sa mga niapil nga public elementary schools sa 12 ka local government units sa Central Visayas human gitapos sa Department of Social Welfare and Development-7 (DSWD-7) ang 20 ka-adlaw nga implementasyon sa Tara, Basa! Program niadtong Hunyo 4, 2026.

Gituki ni Konsehal Pastor “Jun” Alcover ang kaandam sa Dakbayan sa Sugbo kon adunay linog nga moigo sa siyudad atol sa regular session sa city hall kagahapon.