Basura sa Brgy Dumlog dili na maato og kolekta

CEBU, Philippines — Dili na maato ang koleksyon sa basura sa Barangay Dumlog, Dakbayan sa Talisay.

Kini maoy paghulagway ni konsehal Hydellin Rafols sa Barangay Dumlog diin matud pa niya nga ang koleksyon sa basura sa Talisay gisangon sa pribado nga kompaniya apan adunay higayon nga di gyud makolekta tungod sa pagkapalyar sa garbage truck.

Ang ilang gibuhat mao nga sila nalang ang mokolekta sa barangay ug ihatud sa dumpsite sa Barangay Tapul.

Pero dili kini mahitabo nga kada adlaw ang ilang pagkolekta kay di man pud sila tugotan sa paglabay sa basura sa landfill.

Sa nasayran ang siyudad sa Talisay adunay kompetisyon sa pinakalimpyo nga barangay pero di makasiguro si Rafols nga makuha nila ang pinakalimpyo gumikan sa sitwasyon sa pagkolekta sa ilang basura.

Siya naglaraw nga moduso og resolusyon sa paghangyo sa siyudad nga unta mahimo ra sila nga makakolekta sa basura ug makalabay niini didto sa landfill.  MEL BANAT NEWS