P20 matag kilo sa bugas gibaligya sa simbahan

CEBU, Philippines — Simbahan namaligya og P20 matag kilo sa bugas ug adunay pakapin nga sud-an alang sa mga tawo nga nagkinahanglan kini ang pampa-good vibes nga programa sa Parish Caritas sa Archdiocesan Shrine of St. Therese of the Child Jesus nga nahimutang sa Barangay Lahug, Dakbayan sa Sugbo.

Ug kong sumadahon mas ubos pa sa tag P20 matag kilo ang presyo sa bugas nga gibaligya karon sa Parish Caritas tungod kay aduna naman kini pakapin nga sud-an sama sa sardinas, noodles ug uban pa nga gikinahanglan nga walay bayad.

Ang incharge sa Parish Caritas sa parokya Padre Joseph de Aquino nibutyag nga ang makolekta nilang halad ug donasyon sa kalihokan sa simbahan ang kuhaan nila sa bugas nga ibaligya ug adunay dili magpaila nga mga tawo nga mopaambit sa ilang grasya ngadto sa simbahan ug mao usab kini ang ilang ipang-apod-apod ngadto sa mas nagkinahanglan.

Ang maong bugas ilaha kining gipabayran sa barato nga kantidad aron ang kita mapaambit usab ngadto sa uban diin gamiton ni kini sa pagpamalit sa canned goods, noodles ug ubang stock nga maapil sa food package nga makuha sa mamalitay.

Ang mga tawo nga walay ikaabot mao ang priority nga ipaagi sa mga lider sa kapilya kinsa maoy unang mahatagan apan kon adunay moadto sa Caritas Store hatagan usab nila kini.

Ang mga volunteer student maoy kaabag sa parokya kinsa hatagan usab sila og ginagmay nga bawon sa ilang serbisyo.

Adunay bag-o usab nga serbisyo ang Parish Caritas nga libre ang charge sa ilang cash in ug cash out sa e-wallet. (BANAT NEWS)