450 kawani sa lungsod sa Daanbantayan gi-drug test

CEBU, Philippines —  Gipaubos sa kinalit nga drug test ang 450 ka mga empleyado sa Munisipyo Daanbantayan subay sa tinguha nga mahimong drug-free work place ang munisipyo. Si Mayor Sun Shimura maoy nangulo sa pagpaubos sa maong drug test niadtong Oktubre 11 sa Lamberto R. Te Cultural Center sa lungsod. Matud ni Shimura ang resulta sa drug test gipaabot nga mogawas sunod semana. Sumala sa Mayor ang mga magpositibo nga empleyado hatagan og due process sa LGU.

Ang drug test gihimo sa lungsod pinaagi sa  Municipal Anti-Drug Abuse Council (MADAC) niini subay sa Comprehensive Dangerous Drug Act of 2002  nga nagmando sa mga opisyal ug empleyado sa mga pampublikong buhatan o sa gobeyerno nga mopaubos sa drug test aron masiguro nga walay tig gamitan og ilegal nga drugas sulod sa nga opisina sa gobyerno. (BANAT NEWS)