Ahong gikiha sa 28 ka kapitan

CEBU, Philippines – Gikiha sa buhatan sa Ombudsman sa 28 sa 30 ka barangay kapitan sa Dakbayan sa Lapu-Lapu si Mayor Junard “Ahong” Chan labot sa pagpasirado ug pagguba sa buhatan sa kongresista sulod sa City Hall.

Pinaagi ni Atty. Richard Bauzon, ang reklamante mao sila si  Barangay Kapitan Jimboy Igot sa Agus, Arsenio Berdin sa Babag, Eduardo Cuizon sa Bankal, Romulo Wagwag sa Baring, Isabelito Darnayla sa Basak, Lorna Soroño sa Buaya, Arsilito Pejo sa Calawisan, Ranilo Abayan sa Caohagan, Reynaldo Tampus sa Canjulao, Jackson Matbagon sa Caubian, Efren Apa sa Caw-oy, Regina Ybañez sa Looc, Eleonor Fontanoza sa Gun-ob, Johanna Capangpangan sa Pajac, Evaristo Dihayco, Jr. sa Mactan, Rosalino Abing sa Maribago, Cyrus Eyas sa San Vicente, Lucrecia Amores sa Marigondon, Nelson Melancolico sa Sabang, Virgilio Casiao sa Pangan-an, Tirso Tumulak sa Poblacion, Justino Booc sa Pusok, Crisanto Estardo sa Punta Engaño, Maryjane Cahilog sa Ibo, Joselito Tibon sa Suba-Basbas, Virgilio Daño sa Talima, Audie Flores sa Tingo ug Triponia Abayan sa Tungasan.

Ang pangan sa mga kapitan sa Barangay Baring, Caw-oy ug Marigondon ang walay pirma.

“As barangay captains, we always see to it that we could give the best service to our respective barangay. One of our main sources of assistance came from the office of Cong. Paz C. Radaza,” matud sa mga kapitan sa ilang complaint affidavit.

Ila sab gihangyo ang Ombudsman nga ipaubos sa unom ka buwan nga preventive suspension si Chan aron dili magamit ang gahum sa paghasi sa mga testigo. (BANAT NEWS)