2 ka bomba napalgan sa mga driver sa Bogo

CEBU, Philippines - Duha ka  granada napalgan sa duha ka driver didto sa national highway sa siyudad  sa Bogo  sa miaging  kaadlawon.

Sila si Jerry Rivero Velez, 31, ug  Jerry Lepalam Sinangote,  43, pulos drayber  sa   habal-habal nga taga Brgy. Cayang, sa naasoy’ng dakbayan  maoy  nakakita  sa maong  mga  granada.

Si Rivero mibutyag  nakatagpilaw  siya  samtang nagpaabot    og  pasahero  sa maong higayon dihang  gipukaw  siya  sa mikagay ug  mituasik  nga  maora  og puthaw nga miigo sa iyang motor  ug  sa iyang  pagduko  sa yuta, granada  ang  iyang  nakita.

Samtang si  Lepalam  nga miabot  usab  sa maong  lugar  nianang  pagka-alas 6:00 sa buntag,  maoy  nakakita  sa  mga  tipaka  sa  laing   granada  nga  nanuasik  sa karsada   sa maong  higayon.

Gikompirma  sa kapolisan  sa Bogo nga  bomba  gyud  ang  nakita  sa   maong  mga  drayber. Sa  pagkakaron gihiposan  kini  sa  buhatan s a kapolisan  sa dakbayan  sa Bogo  samtang  gisuta  pa  kun  may  labot  ba  kini  sa election  karong  adlawa. (BANAT NEWS)