Alden nakahilak sa award

CEBU, Philippines – Nakahilak si Alden Richards sa dihag nadawat niya ang Gold Record alang sa iyang self-titled album nga gi-release kaniadto sa  Universal Records

Samtang puwerte niyang lipaya gumikan kay i-release na pud  niya ang  iyang bag-ong album sunod huwan.

Nasayran nga human sa duha ka tuig kapin nga  pag-release sa iyang unang album,  padayon kini nga gihangop sa publiko.

Gisorpresa sa general manager sa  Universal Records nga si Kathleen Dy-Go si Alden sa Eat Bulaga!  kagahapon ug personal gitunol ang maong  Gold Record award  ngadto sa maong actor-singer.

Ang karaang album ni Alden aduna’y unod nga “Naaalala Ka,” “Can’t Find The Reason,” “Di Na Mababawi,” “Sa Aking Tabi,” “Akin Ka Na Lang,” ug  “Everytime I See You.”  

Tangtang gyud si JM

Dili na makapaabot pa kang JM de Guzman ang production team likod sa Metro Manila Film Festival entry, “Walang Forever” hinungdan nga gihulipan na siya kang Jericho Rosales.

Apan ang producer sa maong pelikula, Atty. Joji Alonzo wala na ni detalye pa unsay rason nganong hingpit nga gihulipan si JM kang Echo.

Si Jennylyn Mercado maoy bidang babaye niining nahisgutang pelikula.

Samtang nitumaw sab ang taho nga dili na mahinayon ang laraw nga tapuson na ang teleserye nga ‘All of Me” sa ABS-CBN gumikan usab kang JM.

Ang mahitabo matud pa mao nga sa ikapitong semana sa maong serye mawagtang na ang character ni JM ug musentro na lang ang istorya ngadto kang Albert Martinez.

Kahinumduman nga nagsunod-sunod ang taho nga nagproblema matud pa ang production team likod sa pelikula ug teleserye gumikan kay nagnilabad ang aktor.

Apan ang co-stars ni JM nga sila si Yen Santos ug Aaron Villaflor managsama nga nanghimakak sa maong taho kay matud pa “happy” sila sa set.

Ang “All of Me” nilugwa sa telebisyon sugod pa lamang sa nilabay nga buwan.