GMA-7 vs. ABS-CBN swerte ang network?

CEBU, Philippines - GARRY: Happy holidays kaninyong tanan ug daghang salamat sa kanunay’ng pagsunod kanamo sa Banatanay. Dili nindot ang mga panghitabo sa Sugbo karon ilabi na sa Capitol. Padayon akong pag-ampo nga mahuman ang tanan. Dungan sa kasubo nako, hudyaka usab ang tibuok Pilipinas kay bisan wala malangkat ni first runner-up Janine Mari Tugonon ang Miss Universe 2012 title apan sa kasingkasing natong Pinoy, siya ang gyud ang rayna. Apan ang nakahugyaw Vatski mao akong nahinumduman nga si Janine maoy nakadaog sa Binibining Pilipinas nga gipakita sa ABS-CBN samtang Miss World Philippines diha sa GMA-7. Huh! Grabe, dili lang media publicity apil nausab ang todo-support sa Kapamilya network! Sa pipila ka katuigan nga naa sa GMA ang Binibining Pilipinas, wala man gyud makasulod ang atoang manok.

VATSKI: Maayong adlaw, Gar, ug sa tanang mga loyalista sa Banatanay. Ug, Merry Christmas kanatong tanan. Mahinumdum unta ta nga kining pagsaulo’g sa adlawng natawhan sa atong Labaw’ng Makagagahum dili lang puro kaon ug regalo, kundi paghigugmaay sama sa gipakita Niya kanato. Anyway, wayok, Gar, ha, connect gyud ang mga TV network sa kadaugan ug kapildihan sa atong mga bets sa international pageants no! Tinuod  nga nagsunod-sunod ang atong pagkasud sa Top 5 ron mga niaging tuig, apan dili na pasabot nga tungod kay naa na gi-air ABS-CBN ang maong salida. Nitan-aw ko last week og Miss U, ug dili sa ABS-CBN, kundi sa StarWorld, so dili na sa estasyon, nindot lang gyud atong mga kandidata ron.

GARRY: Akong pasabot mao nga iba kasi kapag-Kapamilya. Matud pa sa uban nga nindot gyud ang coverage sa pageant kung anha sa ABS-CBN. Ang Binibining Pilipinas Charities, Inc. (BPCI) mipirma naman og 5-year partnership contract sa ABS-CBN. Tungod niini, ang ABS-CBN manghinaot ta nga ang Pilipinas maoy maka-host sa 2014 Miss Universe susama sa best hosting nga nahitabo niadtong 1974, 1994.

VATSKI: Oh well, manghambug na ang ABS-CBN nga swerte ta kay sila nag-host, kana na kung nakuha na gyud nato ang korona. Dili runner- up ra! But I have nothing against sa atong pagka-runner up ra ha, in fact, nalipay ko ani. Ang ako lang dili iblame sa GMA nganung katong sila pay ga-air sa maong contest, wa gyud ta ka-place. Sala ba diay nila kung wa jud ta na-type sa mga judges?

Pangutana: Ang TV network nga media partner sa Bb. Pilipinas maoy usa sa nagdala og swerte sa atong mga pambato sa Miss Universe pageant? Unsay inyong reaksyon dear HUGYAWnatics? I-text ang imong tubag, dungan sa imong ngalan ug address ngadto sa: 0917-904-7513. Usa ra ka sentence ang tubag o kinahanglan dili taas aron mamantala. Kutob lamang karong udto (12noon, December 24), ang pagdawat nato sa inyong mga mensahe. Go go go!

Sakpan na pud!

Nasigpatan nga nagkuyog na usab sila si Elmo Magalona ug Lauren Young sa usa ka shopping mall sa miaging adlaw. Taud-taud na nga giintriga ang duha apan padayon nila nga gihimakak ang report nga matud pa duna sila’y espesyal nga relasyon.