Sarah-Gerald movie gihugupan!

CEBU, Philippines - Wala pay gipagawas nga first day gross pero nag-victory lunch na ang pwersa luyo sa pelikulang “Catch Me I’m In Love” starring Gerald Anderson ug Sarah Geronimo kagahapon.

Suma pa nga ang nahisgutang pelikula nga ubos sa Viva Films ug Star Cinema gihugopan gyud og maayo hinungdan nga nagmaya og sayo ang production team.

Gani dinhi sa Sugbo nagpunsisok pud ang mitan-aw sa maong pelikula kagahapon basi niining musunod nga text messages:

‘Patok kaayo ang sarah mama sa masang Pilipino! Full packed ang emall! Nahugyaw ang mga tawo sa kilig moments! Last time I had this experience was in MAGING SINO KA MAN!... Orly Cajegas, serial beauty pageant mentor

“Sa onstage man jud dirs ayala gipasalida beh, meaning expected nga ma blockbuster.” Niza Marinas, CDN editor

Mara Clara 37.1%

Mitala og 37.1% ang Mara Clara niadtong Martes sa gabii nationwide. Ug gipaabot nga mas mitaas pa ang rating niini tungod sa hingpit nga panagkita nila ni Mara ug Lola Lupe kagabii, ug sa back-to-back-to-back nga confrontation scene nila ni Clara, Susan, ug Elvira.

Sexiest Celebrities

Sila si Piolo Pascual ug Angel Locsin gihapon ang napili nga Sexiest Celebrities sa annual survey sa StarStudio magazine nga gipaagi og text votes. Sulod pud sila si Kim Chiu ug Gerald Anderson.

Claudine-Raymart pahayahay sa Bora

Nagbakasyon karon sa Boracay ang magtiayon nga Claudine ug Raymart kauban ang ilang mga anak nga sila si Sabina ug Santino.

Martin-Regine nag-Bora pud

Didto pud sa Bora sila si Martin Nievera ug Regine Velasquez alang sa show sa Philip Morris kagabii.

Rocco pasulbungon sa hingpit

Ang Starstruck Prince nga si Rocco Nacino ang giingong pasulbungon ngadto na sa full stardom karong tuiga, sanglit nauyonan sa GMA-7 bosses ang iyang gipakita nga abilidad sa bag-o lang nahuman nga teleserye “Koreana.”

GMA-7 ang MW

GMA-7 ang mupasalida sa Miss World Philippines suma pa ni 2006 Bb. Pilipinas-World Anna Maris Igpit. Gidungog nag muapil sa maong pageant ang bag-o lang na-disqualify nga kandidata sa Bb. Pilipinas 2011 nga si Bianca Paz.

Free ride sa ASAP Rocks

Dunay mga bus nga manukad sa atubangan nga bahin sa city hall sa dakbayan sa Sugbu gunad sa alas siete sa buntag karong Domingo aron maoy sakyan nga libre sa buot motan-aw og ASAP Rocks Cebu sa SRP. Duna puy Kaohsiung buses nga masakyan diha sa Talisay City.

Show ni Marian giusab ang title

Spooky Nights Presents Bampirella na ang title sa horror-comedy project ni Marian Rivera nga magsugod karong Sabado, March 26, sa GMA-7. Kini human misupak ang MTRCB sa original title nga “Ang Spooky Mo Presents Bampirella” tungod kay double meaning matud pa ang “Ang Spooky.”

IBC-13 target ni Tony

Interesado matud pa ang longtime partner ni Gretchen Barreto nga mapanag-iya ang government sequestered TV station IBC-13 nga buot ibaligya ni P-Noy.

Barbie Hsu nagminyo

Nagminyo na si Barbie Hsu ngadto sa hotel owner nga si Wang Xiao Fei niadtong milabay nga Martes didto sa Hainan Province, Sanya China. Si Barbie nga nagpangidaron na og 34 anyos, naila dinhi sa Pilipinas og maayo isip si San Cai sa Taiwanese series nga “Meteor Garden.” Ang kasal gipahigayon sa luxury hotel nga gipanag-iya sa 30 anyos nga si Wang.