Lolo nalunod sa birthday ng apo
MANILA, Philippines — Isang 63-anyos na lolo ang natagpuang patay sa dagat matapos malunod habang ipinagdiriwang ang kaarawan ng kanyang apo sa isang beach resort sa Brgy. Sahud ulan,Tanza Cavite, kamakalawa.
Kinilala ang nasawi na si Marticio Valdez, residente ng Timalan Balsahan, Naic, Cavite.
Sa imbestigasyon ng pulisya, nag-outing ang pamilya ng biktima hinggil sa pagdiriwang ng apo nito at dito ay nakipag-inuman ang biktima sa mga kamag- anak nito bago nagtungo sa dagat upang maligo.
Makalipas ang ilang oras ay natagpuan na lamang itong nakahandusay sa gilid ng karagatan at nakalutang.
Agad itong itinakbo sa pagamutan, subalit idineklarang dead on arrival.
- Latest