6 katao inaresto sa Labor Day rally
MANILA, Philippines — Inaresto ng mga otoridad ang anim na katao nang magkagirian ang grupo ng mga raliyista at mga pulis sa Maynila nitong Labor Day, na sinalubong ng kaliwa’t kanang kilos-protesta ng iba’t ibang grupo.
Kabilang sa mga inaresto ay limang lalaki at isang babae na isinailalim muna sa medical examination bago tuluyang binitbit sa Manila Police District (MPD) headquarters upang isailalim sa imbestigasyon.
Batay sa ulat, pasado alas-12:00 ng tanghali nang makalusot sa mga pulis ang daan-daang militante matapos na sirain ang barikada at tangkaing makalapit sa US Embassy na matatagpuan sa Roxas Boulevard sa Ermita, Manila, bitbit ang isang malaking effigy ni Pang. Marcos Jr..
Hinadlangan naman sila ng mga pulis, na nauwi sa tensiyon, girian, tulakan at pag-aresto.
Ang naturang insidente ay nagdulot ng pagtigil ng daloy ng trapiko sa Roxas Boulevard.
- Latest
