3 miyembro ng drug syndicate timbog sa P6.8-M shabu

MANILA, Philippines — Tatlong miyembro ng drug syndicate na umano ay supplier ng shabu sa Metro Manila at lalawi­gan Cavite ang naaresto ng mga otoridad at nasamsam ang nasa P6.8 milyong halaga ng shabu sa isang drug buy operation kaha­pon ng madaling araw sa Sta. Ana, Maynila.

Ang tatlong suspek na sinampahan na ng kaso sa piskalya ay nakilalang­ sina Mark Anthony Alcantara, alyas ‘Maki,’; Rudy Kidlat at Rona Valenzuela.

Sa ulat, dakong ala-1:10 ng madaling araw nang isagawa ng pinagsanib na tauhan ng Manila Police District-Station 6, Regional Drug Enforcement Unit (RDEU) ng National Capital Regional Police Office (NCRPO), at Philippine Drug Enforce­ment Agency (PD­EA)- National Capital Region (NCR), ang drug buy-bust operation sa Osmeña Highway, Sta. Ana na iki­­­naaresto ng tatlong suspek. 

Kabilang din sa nare­kober ­ang 5 sachet ng shabu na nasa kalahating kilo ang kabuuan na nabili ng poseur-buyer ng P500-libo ay nakumpiska rin ang 5 pang sachet na may tig-100 gramo .

Nabawi rin sa mga suspek ang 10 bundle ng P1,000 bills na boodle money na katumbas ng P1 milyon at ginamit bilang buy-bust money, at isang pulang Suzuki car na gi­namit ng mga suspek sa transaksiyon.

Nabatid na isang buwan umanong isinailalim sa surveillance ang grupo bago nagawang makabili ng shabu sa mga suspek na sakay ng kotse nang maki­pagkita sa nasabing lugar.

Pinaniniwalaang na­ka­­kapasok sa bansa ang nasabing shabu mula Tsina dahil sa pinaglag­yang tea bags na may Chinese cha­racter.