Karaan og bag-ong Darna nag-abot
CEBU, Philippines — Nagkaabot sa pagbukas sa usa ka shop ni Dra. Vicki Belo sa miaging adlaw ang karaan ug bag-ong Darna nga sila si Marian Rivera ug Jane de Leon. Si Jane ang bag-ong Darna alang sa upcoming project sa Star Cinema.
Nahimout pag-ayo ang mga tawo nga nakita sa ilang hulagway nga nagkaistoryahanay.
Kahinumdoman nga pagkahuman ni Angel Locsin sa pagdala isip Darna niadtong 2005, gisundan dayon kini ni Marian alang sa laing GMA-7 television series nga “Mars Ravelo’s Darna” niadtong 2009.
Baron pasok sa international movie
Nagpanikad na si Baron Geisler sa pag-abot sa 2020 gumikan kay nalakip siya sa usa ka international movie.
Matud pa nga gawas sa Pilipinas, i-shoot usab ang movie project sa Mexico, Thailand, New York, ug Washington D.C.
Una na nga gipadayag ni Baron nga nagtinarong na siya ug dili na siya magpabadlong sa trabaho.
Hugyaw nga outfit
Gipalutaw gyud sa pambato sa Pilipinas nga si Michelle Dee ang Filipino fashion sa pre-pageant activities sa Miss World 2019.
Sa usa ka kalihokan gisul-ob niya ang suit nga inspired sa Philippine flag nga ginama sa fabric handwoven sa Yakan weavers sa Basilan, Sulu.
Nahugyaw si Miss World 2013 Megan Young sa gisul-ob ni Michelle og nikomento kini sa Instagram og , “Love it.”
Nagtupad ang mga lig-on
Nahimout og maayo ang Pinoy K-pop fans sa hulagway kun diin nagtupad sa usa ka hulagway ang leader sa BIGBANG nga si G-Dragon ug kanhi 2NE1 member nga si Sandara Park.
Kuha ang maong hulagway sa usa ka event didto sa Seoul, South Korea.
Nakadawat si Sandara og personalized sneakers gikan ni G-Dragon.
Juancho ug Joyce engaged na!
Engaged na ang Kapuso stars nga sila si Juancho Trivino ug Joyce Pring ug giingong nahitabo kini niadto pang Agosto, apan niadtong Martes , November 26 palang sila nisulti kalabot niini. Gi-post ni Joyce sa Instagram ang hulagway sa iyang engagement ring.
“Been enjoying the privacy of our engagement for a while now... but finally decided to share the good news with all of you: God’s faithfulness in full fruition in our lives, intertwined,” suma pa sa iyang IG post.
Heart pasok sa Vogue 100
Nakasulod ang pangalan ni Heart sa Vogue 100. Dakong garbo alang kang Heart nga malakip niini gumikan kay dili basta-basta nga mga personalidad ang nalakip sa maong listahan. “This is such an honour, especially to be alongside other amazing individuals from all around the globe!” ,” tipik sa iyang IG post.
Shode pressure
Gipaningkamotan ni Yam Concepcion nga dili siya ma-pressure sa gihuptan niya nga role sa teleseryeng Love Thy Woman nga gibidahan nila ni Kim Chiu ug Xian Lim. Kahinumdoman nga kang Erich Gonzales unta gihatag ang maong role apan niatras kini.
Blooming kaayo
Nagmaya gyud si Karla Estrada sa pagsaulog sa iyang birthday karong tuiga gumikan sa presensya sa iyang boyfriend nga si Jam Ignacio. Mapasalamaton siya sa iyang uyab gumikan kay nisabot ra gyud kini sa ka-busy niya sa showbiz.
Suportado sa mga higala
Suportado gyud sa ilang mga higala sila si Janella Salvador ug McCoy de Leon. Nanambong kini sa premiere night sa The Heiress niadtong Martes. Nitikang sila si Maja Salvador, Rambo Nuñez, Arjo Atayde, Alexa Ilacad,ug Pamu Pamorada . Mapasalamaton si Janella sa iyang mga higala gumikan kay nihatag gyud kini og oras alang kaniya.
Banggiitan gyud
Ang mga linya ni Maricel Soriano maoy usa sa gipakpakan atol sa premiere night sa pelikulang The Heiress. Giingong wala gihapon nahupas ang abilidad ni Maricel sa bug-at nga mga eksena.
Nag-uros uros nga gugma
Gitataw ni Luis Manzano nga dugay na niya nga giplano ang pag-propose sa iyang girlfriend nga si Jessy Mendiola apan dili pa niya matino kun kanus-a kini mahitabo. Matud pa ni Luis nga wala gyu’y makabalda sa paghigugma niya kang Jessy busa dili isyu kun kanus-a niya kini pakaslan.
Dili makalugwa
Masulob-ong gipahibalo ni Idol Philippines grand champion Zephanie Dimaranan nga dili makalugwa sa iyang concert ang usa niya ka special guest nga si Janine Berdin .”Sad to say, hindi po siya makakasama kasi alam ko po as of now, nagpapahinga pa rin po siya and mayroon din po silang family matter na inaasikaso,” suma pa ni Zephanie.
Andam moarte
Gibutyag sa kanhi finalist sa Idol Philippines nga si Lucas Garcia nga andam siya mosulod sa pag-arte partikular na sa comedy. Tinguha ni Lucas nga ma-explore ang uban niya nga tinagoan nga talento.
Estilo ni Richard
Gibutyag ni Richard Gutierrez nga dili gyud siya istrikto nga pagka-amahan sa anak nila ni Sarah Lahbati nga si Zion. Gipaneguro hinoun ni Richard nga iyaha kini nga tudloan og mga maayong pamatasan aron magdako ang ilang anak nga boutan.
Tulo ka tuig na!
Gisaulog nila ni Ronnie Alonte ug Loisa Andalio dili pa lang dugay ang ilang third anniversary isip mag-uyab. Nanuroy ang duha sa Amanpulo sa Palawan. Nag-iyahay og post ang duha sa ilang sweet nga mga hulagway sa Instagram.
- Latest