_ngayon
^

PSN Opinyon

Bayanihan

KUNSABAGAY - Tony F. Katigbak - Pilipino Star Ngayon

Dumaraan na naman ang ating bansa sa isang matin­ding pagsubok. Noong Linggo ng hapon, ginulantang tayo ng pagsabog ng Taal Volcano sa Batangas.

Nabulaga ang lahat lalo na ang mga kababayan nating naninirahan malapit sa bulkan.

Nagkatarantahan at hindi malaman ang gagawin kung saan tutungo. Maraming mga kababayan natin ang nilisan ang kanilang mga bahay upang makatakas sa nakakasulasok na amoy galing sa bulkan at sa makapal na abo.

Lutang na lutang ang spirit ng bayanihan nating mga Pilipino. Nakita ng buong mundo na tayo ay nagkakaisa sa panahon ng kalamidad. May mga organisasyon at ordi­naryong mamamayan ang nagbukas ng palad para tumu­long sa mga biktima.

Nakakabagbag ng damdamin ang pamamaraan ng pag­tulong. Hindi man sila magkakakilala pero hindi nagdalawang-isip na nagbukas ng pinto upang patuluyin ang ating mga kababayan.

Pero kung meron mang mga bayani, hindi maaalis na may mga balasubas na negosyante. Sinamantala ang pagkakataon upang kumita ng pera. Sabi nga nila ang lahat ay may hangganan dahil bistado ang kanilang masamang gawain.

Kapag napatunayan ng Department of Trade and Industry (DTI), malamang mabigat at ‘di-malilimutang parusa ang kanilang tatanggapin. Mas mabuti na ipasara ang ganitong klaseng mga negosyo para hindi na tularan ng iba.

Hindi lang naman tayong mga Pilipino ang sinusubok ng tadhana dahil meron ding mga bansang dumaranas nga­yon ng pagsubok. Ang pinakamabisang panangga natin­ nga­yon ay ang dasal na sana’y malampasan nating lahat­ ang mga pagsubok na nararanasan.

Hindi kaya ginigising tayo ng kalikasan sa sunud-sunod na kalamidad nating nararanasan?

Sa ngayon, kalmado ang Taal Volcano pero ayon sa Phi­lippine Institute on Volcanology and Seismology (Phi­volcs), huwag tayong magkakampante dahil may posibilidad na ito’y muling sumabog.

Sa mga kababayan nating matitigas ang ulo, sumunod sa mga babala o abiso. Huwag nang magpumilit bumalik sa inyong mga bahay dahil baka buhay n’yo naman ang mawala.

Isinaalang-alang lamang ng mga awtoridad ang inyong kaligtasan. Payo ko, mag-ingat kayong lahat diyan.

BAYANIHAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with