^

PSN Opinyon

Tahimik na Pasko

Magmiron Tayo - Rowena del Prado - Pilipino Star Ngayon

Kapag sumasapit ang Kapaskuhan, madalas nating marinig na ito ang pinakamasayang panahon ng taon. Nagliliwanag ang mga ta­hanan at nagkakasama-sama ang mga pamilya. Ngunit sa likod ng ­masasayang awitin at selebrasyon, may mga taong tahimik na nakiki­paglaban sa kalungkutan.

Hindi lahat ay masaya tuwing Pasko.

May mga nawalan ng mahal sa buhay, may mga pamilyang magkakalayo, at may mga taong pasan ang mabibigat na problemang emosyonal at pinansyal. Habang ang iba ay abala sa paghahanda, may ilan namang naghihintay lamang ng makakausap at makakaunawa sa kanilang pinagdaraanan.

Sa panahon ng social media, mas lalo pang nararamdaman ng iba ang kanilang pag-iisa. Nakikita nila ang masasayang larawan ng ibang tao at iniisip na sila lamang ang may problema.

Kaya ngayong Kapaskuhan, huwag nating kalimutang kamustahin ang ating mga mahal sa buhay. Minsan, hindi mamahaling regalo ang kailangan ng isang tao kundi ang simpleng pakikinig, pagdamay, at pagpaparamdam na may nagmamalasakit.

Ang tunay na diwa ng Pasko ay hindi nasusukat sa rami ng handa o halaga ng regalo. Ito ay makikita sa ating kakayahang magbigay ng pag-asa at pagmamahal sa kapwa.

Sapagkat para sa mga taong tahimik na nasasaktan, ang pinakamagandang regalo ngayong Pasko ay ang maramdamang hindi sila nag-iisa.

PASKO

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with