BIR commissioner Lumagui, nagbitiw

MANILA, Philippines — Nagsumite na rin ng courtesy resignation si BIR Commissioner Romeo Lumagui bilang pagtalima sa kautusan ni Pangulong Ferdinand Marcos Jr. na mag-resign ang mga cabinet secretary.

 Sa Palace briefing, sinabi ni  PCO Undersecretary Claire Castro na ang courtesy resignation ay hindi lamang para sa mga cabinet secretary kundi gayundin sa  heads of agencies na may Cabinet rank,  heads of agencies at presidential advisers and assistants.

Ayon kay Lumagui, naiintindihan niya na ang hakbang na ito ni Pangulong Marcos ay isang paraan niya upang mas higit na mabigyan ng mahusay na serbisyo ang mamamayan.

Pinasalamatan din niya ang Pangulong Marcos sa pagbibigay ng pagkakataon na makapagsilbi sa mamamayan.

Aniya, hangad niya na ang tagumpay ng Pangulo na maiangat ang kabuhayan ng sambayanang Pilipino.