UTASSCO, Water Market daog

CEBU, Philippines -  Midaog sa ilang non-bearing games ang UTASSCO Utility ni  Atty. Flor Yosores ug Water Market batok sa tagsa-tagsa nila ka kaatbang sa Power Forty Christmas League basketbal tournament niadtong Martes sa gabii didto sa Inayawan Sports Complex.

Gilubong sa UTASSCO ang Ang Tibay Mo sa iskor nga 83-66, samtang gilumsan sa Water Market ang Allyn & Sons.

Lima ka players sa UTASSCO ang mibahog og double figures nga gipangulohan ni Alex Mercado, kinsa midughit og 26 puntos.

Si Fernando Sumargo maoy nangu sa Ang Tibay Mo sa iyang 25 puntos, samtang si Celso Cabaluna midugang og 18 puntos.

Sa laing bahin, si Allan Lim mitimba og 24 puntos, samtang si Michael Arias misag-ob og 21 puntos alang sa Water Market.

Ang napildeng Allyn & Sons gipangulohan nilang Carding Veraiz ug Julian Capala nga nagkumboya og 45 puntos. 

PUNTOS MATAG USA

Unang duwa:

UTASSCO (83) - Mercado 26, Cabrera 12, Veloso 11, Ebrado 10, Abarquez 10, F. Yosores 8, Echavez 4, Yu 2

Ang Tibay Mo (66) - Sumargo 25, Cabaluna 18, Mabalcon 10, Gaviola 7, Samson 4, Nacario 2

Ikaduhang duwa:

Water Market (88) - Lim 24, Arias 21, Nacional 9, Eleguin 8, Mosqueda 6, Ozon 4, Ungria 4, Libre 4

Allyn & Sons (73) - Vernaiz 25, Capala 20, Caumeran 14, Javierto 8, Pestano 4, Plarizan 2   (BANAT SPORTS)