Upper Ramos Napukan sa Nangka

CEBU, Philippines - Mipahaguros og puntos sa   second period ang Nangka nga maoy ilang gihimong gabayan pagpukan sa Upper Ramos, 73-61, sa nagpadayong aksiyon sa Jun Pe Inter-sitio basketball Cup didto sa Benjamin Solon Gym, Cogon-Ramos, ning siyudad.

Si Samuel Rojas mipabuto og 19 puntos, samtang si Donedel Besabella mitira og 14 puntos aron pangulohan ang Nangka paglangkat sa ilang ikaduhang sunod-sunod nga kadaugan.

Ang pilderong Upper Ramos gipangulohan ni Melchor Wenceslao, kinsa milansang og 21 puntos. Si Jovane Tangpus midunol og 12 puntos, samtang si Kent Zozobrado miamot og otso puntos.

Puntos Matag Usa

Nangka (73) - Rojas 19, Besabella 14, Lledo 10, Alo 10, Pada 7, Codilla 6, Villanueva 2, Jerolaga 2.

Upper Ramos (61) - Wenceslao 21, Tangpus 12, Zozobrado 8, Durano 6, Rosales 6, Luagono 4, Calomadre 4 . - Lemuel P. Maglinte (BANAT NEWS)