Kasinatian sa Pag-ampo: Gahum

1. Ibutang ang imong kaugalingon diha sa presensiya sa Dios.

2. Uban ang kahilom ingon man ang pagpiyong sa imong mga mata, himoa ang paghinumdom sa mga higayon nga nihimo ikaw og mga desisyon ginagmay man o dinagko diha sa imong kinabuhi.

3. Diha sa imong mga desisyon hinumdomi kun si kinsa o unsa ang mga hinungdan nga nahimo nimo ang maong mga desisyon.

4. Hinumdomi ang imong gibati sa dihang nahimo nimo ang maong mga desisyon nga bunga sa sugyot sa uban ug itandi kini sa mga desisyon nga imong  nahimo ingon nga linugdangan sa imong kaugalingong disposisyon ug pamalandong. Asa ka mas nagmalipayon? Ang mga desisyon nga gihimo sa uban alang kanimo o sa mga desisyon nga ikaw mismo ang naghimo?

5. Ginhawa og lawom. Sangpita ang Espiritu Santo aron mahatagan ka Niya sa lamdag sa mga moabot pang mga desisyon nga imong pagahimuon. Hinumdomi, dili kini kalabot sa Decision Making lamang kun dili apil sa pangutana usab ang Decision Management diha sa imong kinabuhi.