Reklamo batok mga taxi

Usa ka magbabasa niining ubos kong lindog mi-text kanako aron pagpadangat sa iyang reklamo batok sa usa ka taxi nga nagtangag sa plate number 146. Wala ikahatag sa reklamante ang mga letra nga kapares sa maong mga numero.

Matud pa sa atong texter: "Puwerting paspasa modagan ang metro. Mora gyud og timer." -- 0910-3815622 (June 16, 2006 -- 09:22:21)

Akong klarohon nga wala pa ako motuo niining maong sumbong. Akong gipatik ang text sa reklamante sa pamasin nga makapatingkag kini sa mga dalunggan sa nahingtungdang ahensiya sa atong kagamhanan nga may awtoridad sa pagsusi sa mga problema nga ingon niini.

Gihatag sa reklamante ang kompletong ngalan sa maong taxi apan nakahukom ko nga pugngan lang una kini in fairness usab ngadto sa tag-iya niini. Hatagan ko lang kamo og clue bahin sa ngalan sa maong taxi. Ang ngalan sa taxi gilangkob sa tulo ka letra ug ang letra sa tunga mao ang H.

Kamo nay bahalang moanalisar niana. Igo na una ang clue sa pagkakaron agi’g pagrespeto usab ngadto sa tag-iya sa maong taxi.

* * *

Sa laing bahin, ang atong texter nga tag-iya sa cellphone number 0918-2748884 mipadangat usab sa iyang reklamo ngari nako. Kini hinuong iyang reklamo dili matawag nga bahin sa usa ka tinonto sa taxi. Kaha, gusto lang gyud siya og "sulit" (sa Tagalog pa) ang iyang ibayad kun mosakay siya’g taxi.

Tulo ka taxi ang iyang gireklamo. Ang duha niini nagbaton og ngalan nga gilangkob sa tulo ka letra. Ang unang taxi may letra nga nahimutang sa tunga sa ngalan niini ang letrang T ug ang ikaduha letrang O usab ang naa sa tunga. Ang ikatulong taxi duha lang ka letra ang naglangkob sa ngalan ug ang usa sa maong mga letra mao ang P.

Matud pa sa texter: "Way klarong maintenance ang maong mga taxi. Daghang kagulkol, saba kaayo. Morag nagkarga og botelya. Taronga na ninyo, uy."

Bitaw. Makadaot baya sa inyong negosyo kon mantinilan lang ninyo og gubaon ang inyong mga pasahero.

(Sumbong ug reklamo? Text sa 0910-8105522)