Paolo ug Diana dili kuno uyab?

Deny to death si Paolo Contis sa tsika nga ang sexy star nga si Diana Zubiri na ang iyang bag-o nga apple of the eye sanglit never man gani sila nga nag-date sa nahisgutang dalaga.

He thinks nga namugna ang tsika sanglit kanunay man siya nga mo-guest sa Bubble gang- ang gag show sa GMA-7 diin regular member si Diana ug diin dunay mga panahon nga itupo-tupo silang duruha.

Gipanghimakak usab ni Paolo ang taho nga nangulitawo siya karon kang Katrina Halili sanglit wala usay higayon nga nakig-date siya sa sexy usab nga Starstruck avenger.

Matud ni Paolo the only time nga nagkauban sila ni Katrina was in a 'Magpakailanman" episode diin siya maoy nidala sa papel ni Rodel Velayo ug si Katrina usab maoy iyang asawa didto isip si Daniela.

Sa dihang gikomedyahan nga mahimo na siyang mangulitawo karon kang Jennylyn Mercado nga crush niya kaniadto sanglit nakig-break na kini kang Mark Herras, mikomedya usab pagtubag si Paolo by saying dili na siya kay gibati siyag katapul nga manguyab.

On a serious note, gipasabot ni Paolo nga bisan og tinood pa nga nagbuwag na gyud si Mark ug Jennylyn dili lang gihapon siya mangulitawo sa dalaga sanglit taas ang iyang respeto kang Mark tungod kay managhigala sila.

Truth is matud ni Paolo human sa ilang relasyon ni Nancy Castiglione never na siyang nakabaton og hinigugma tungod kay super busy ang iyang career isip regular sa "Sugo" sa GMA-7 ug lakip usab siya sa launching movie ni Bearwin Meily nga giulohan og "Hari ng Sablay" under the direction of Mac Alejandre.