Good news ug ang bad news

Ang bad news una. Giangkon gyod ni boss Robbie Tan sa Seiko Films nga wa kaayo mokita ang "Bikini Open" ug usa sa mga hinungdan mao nga gidungan kini sa pagpasundayag sa iningles nga pelikulang nag-ulohan og "Star Wars" nga gawas nga potential gyod kaayo nga box office hit, mahimo pa gyong tan-awon sa mga bata, sa edaran na, og sa mga tiguwang.

Ang "Bikini Open" "For Adults" gawas pa, wa tin-aw nga sugilanon busa, dili masabtan sa tanan.

Ang good news, kay bisa'g wa mokita ang "Bikini Open" wa ma-discourage si Boss Robbie Tan sa paghimo og mga pelikula ug naa na karon sa planning stage ang lain na usab nga pelikula sa usa sa mga artista sa "Bikini Open," nga si Diana Zubiri nga nagpakita na sa pagka maayong moarte sa fantaseryeng, Engkantadia."

Gani, miingon si Boss Robbie Tan nga, tingali, susama ang role ni Diana sa "Engkantadia" ang role unya niya sa bag-ong pelikulang bahin sa usa ka luog nga babaye sa kalasangan.