Julie Anne at Rayver, may mga ninong na sa kasal!

Isa si Julie Anne San Jose sa mga pinakasikat na singer-actress mula sa GMA Network. Hindi raw kailan man inilagay sa ulo ng dalaga ang pagiging sikat.

“I guess dahil gusto ko lang ‘yung ginagawa ko, hindi ko siya iniisip. Wala talaga siya sa headspace ko but I’m flattered I’m just very, very grateful, Tito Boy. Talagang hanggang ngayon hindi pa rin ako makapaniwala. That I’m still here and mananatiling matatag. ‘Yung pagkakaroon ng sariling mga kanta, mga record. Kasi siyempre pangarap ng mga singer ‘yon na magkaroon ng sariling mga songs and being recognized din sa larangang ito. Not only here but internationally din,” nakangiting pahayag sa amin ni Julie Anne sa Fast Talk with Boy Abunda.

Matatandaang nagsimulang sumali noong bata pa lamang ang aktres sa Pop Star Kids taong 2005. Sa naturang kumpetisyon din nagkatunggali sina Julie Anne at Rita Daniela noon. “’Yan ‘yung unang-­unang salang ko sa TV. That was my first ever singing competition onscreen. I think I was the 5th and last contender para mabuo ‘yung five kids na sasabak sa grand finals. Magkalaban kami ni Rita, tapos natalo ako. Then after a year I got a callback. ‘Pwede ka ba? Kasi kailangan namin ng three kids para sa bagong defending champion.’ Then I won, that’s why nakapasok akong Pop Star Kids and then I completed eight weeks being undefeated champion. Hanggang sa nakumpleto na kaming lima. Then there was Sugarpop. Julie, Rita, Enzo (Almario), Pocholo (Bismonte) and Vanessa (Rangadhol),” masayang pagbabalik-tanaw ng dalaga.

Mula noon ay naging malapit na magkakaibigan ang lahat ng mi­yembro ng Sugarpop na kinabilangan ni Julie. Kamakailan ay pumanaw ang kamiyembrong si Vanessa na labis na ikinalungkot ng mga kaibigan. “It was a total shock for all of us. Kasi sobrang she was just a good person. A very jolly person and siya ‘yung komedyante sa aming lima. Sa aming lima, siya ‘yung pinakabata pero pinakamaraming wisdom. Sobrang mature niya. We were planning for a reunion sana kasi she was supposed to be married. It makes us sad. Kung kailan ka talaga gusto mong mag-settle. You’re making a life with your loved one, with your partner. ‘Di ko ma-imagine, hanggang ngayon sobrang surreal pa rin. Mare-realize mo talagang maikli ang buhay kaya talagang make the most out of it,” emosyonal na pahayag ng Kapuso actress.

Samantala, posible na kayang matuloy sa susunod na taon ang pagpapakasal nina Julie Anne at kasintahang si Rayver Cruz? “Ang masasabi ko lang, Tito Boy, ay isa ka sa ninong, alam mo ha-ha-ha-ha! Parang wala pa akong gown. But yeah, we’ve been talking about it na. But ako, siyempre lahat naman ng babae ay naglilista kung ano ang kanilang dream destination wedding, catering, bride’s maids, ganyan.

“I think it will be easy siguro if ever that time comes kapag nasa panahon na kami na gano’n. But right now we’re very, very okay and napag-uusapan namin,” pagtatapat ng Asia’s Limitless Star.    (Reports from JCC)