CHR iimbestigahan pamamaril sa 64-anyos na Bayan Muna coordinator sa GenSan
MANILA, Philippines — Labis na nabahala ang Commission on Human Rights (CHR) sa pamamaril at tangkang pagpatay sa transport leader at Bayan Muna General Santos City coordinator na si Larry Villegas nitong Linggo — dahilan para magkasa ang tanggapan nila ng probe sa krimen.
Ika-13 ng Marso nang maiulat na pinaulanan ng bala si Villegas, 64-anyos, ng mga hindi pa nakikilalang suspek sa kanyang bahay sa baranggay Buayan bandang 6 a.m. dahilan para tamaan siya sa hita at isugod sa ospital.
"Villegas was said to have been previously a recipient of death threats and was preparing to support a political campaign prior to this Sunday’s attack," ayon kay CHR spokesperson Jacqueline Ann de Guia, Lunes, sa isang pahayag.
"Although Villegas survived the incident, CHR condemns this attack perpetrated towards a political convenor and urges for local police enforcers to act quickly in pursuit of those behind this crime."
Anuman daw ang motibo, kinakailangan daw ng agarang aksyon dito ang gobyerno upang mapatunayang walang lugar ang vigilante-style violence sa isang demokratikong lipunan.
Nangyayari ito kahit na may "gun ban" na ipinatutupad ang Commission on Elections at Philippine National Police kaugnay ng eleksyong 2022 hanggang ika-8 ng Hunyo.
"[W]e urge local governments and law enforcers to remain alert against election-related violence meant to disrupt the lawful exercise of political rights and threaten other rights," dagdag pa ni De Guia.
"For its part, CHR Region XII is already conducting a probe and shall work with local authorities to shed light on the incident."
Mangunguna sana sa Robredo GenSan rally
Ayon kay Bayan Muna Rep. Carlos Zarate kahapon, kasama dapat si Villegas sa mga maghahanda para suportahan ang nakatakdang political rally nina presidential at vice presidential bets Bise Presidente Leni Robredo at Sen. Francis "Kiko" Pangilinan sa GenSan sa Martes.
"As the May 9, elections draws near these attacks against the opposition are intensifying, especially the Makabayan bloc who are also all out in the campaign to support the Leni-Kiko tandem to defeat the Marcos-Duterte alliance in the elections," ani Zarate.
"The undemocratic forces behind these attacks clearly want the status quo to continue and the candidates who will carry on these policies to win. This incident must be independently investigated and the perpetrators be held accountable."
Chairperson din si Villegas ng TIRES-PISTON Gen. Santos. Ani Zarate, biktima rin daw ang nabanggit ng "walang-tigil" na red-tagging sa pagkundena niya sa mga polisiya ni Pangulong Rodrigo Duterte pati na rin ng pagpapatuloy ng oil price hikes sa ilalim ng administrasyon.
Kasalukuyang humaharap sa red-tagging si Robredo pati na ang kanyang mga supporter, lalo na't ilan sa mga nag-endorso sa kanila ni Pangilinan ay mga kritiko ng gobyerno at aktibista.
Kamakailan lang nang mangako si Pangilinan ng legal aid para sa mga aktibistang inaresto sa Cavite, na kilalang sumusuporta sa kanilang kampanya. — James Relativo
- Latest
