Joshua vs FURY giatngan
CEBU, Philippines — Ang promoter ni Anthony Joshua nga si Eddie Hearn andam mopasiugda sa all-British showdown tali sa iyang boksidor ug ni Tyson Fury karong Disyembre aron pagsuta kon kinsay undisputed world heavyweight champion.
Gipilde ni Fury si Deontay Wilder sa miaging bulan aron sakmiton ang WBC title.
Sa iyang bahin, si Joshua mao karon ang naghari isip WBA, IBF ug WBO heavyweight champion.
Gumikan niini, daghan ang naghandum nga mag-abot ang duha ka higante ug gamhanang mga boksidor.
Kon madayon, tulo ka binyu ang gisaytan ni Hearn, ang Principality Stadium sa Cardiff, Las Vegas ug Saudi Arabia.
Apan kinahanglan usa nga pildihon ni Joshua si Kubrat Pulev sa Bulgaria sa ilang IBF championship bout karong Hunyo 20.
- Latest