^

Banat Opinyon

Wala masulbad nga krimen

AMBOT LANG - Banat

Gipa-review sa legal division sa Police Regional Office-7 ang tanang ebidensiya ug affidavit sa duha ka saksi sa pagbanhig patay kang Richard Buscayno nga usa ka fraternity leader. Mao ni ang nauyonan sa panagtagbo sa mga abogado sa sa PRO-7 ug sa naglangkob sa Special Investigation Task Group nga maoy nagtutok sa inbestigasyon sa kaso ni Buscayno.

Gisugyot ngadto sa Special Investigation Task Group (SITG) nga dili lang una pirmahan sa duha ka saksi ang ilang affidavit ug ipa-review una aron masiguro nga lig-on ang pamahayag niini nga magtumbok sa nailhan na nga suspetsado.

Lakip sa gipa-review sa legal division sa PRO-7 ang gihuptang mga ebidensiya kun makabarog na ba kini sa hukmanan kung hingpit na nga ipasaka ang kaso. Masaligon si Police Lieutenant Colonel Wilbert Parilla sa Cebu City Police Office nga aduna na silay lig-ong ebidensiya batok sa mga suspetsado sanglit positibo kini nga gitudlo sa mga saksi nga sila ang nagpusil kang Buscayno.

Gihimakak usab ni Parilla nga tungod sa mando sa ilang labaw na-pressure na sila niini sanglit bisan wala pa mohatag sa mando ang PNP Chief aduna na silay suspitsado basi sa pamahayag sa mga saksi.

Kun aduna na nay suspetsado ang mga polis sa kaso ni Buscayno, unsa man kini ka lig-on sa pagbarog atubangan sa hukmanan? Sigun sa akong mahinumduman sa report ni Super John Kim Bote sa DySS Super Radyo Cebu naka-facemask ug naka-helmet ang kriminal. Kun mao man kini, giunsa man sa pag-ila hsa mga saksi sa mga kriminal kun kini naka-facemask ug naka-helmet? Hinuon sa footage sa CCTV sa dapit nakita nga gitang-tang sa kriminal ang iyang facemask apan pabilin nga nakahelmet.

Kun nailhan man sa mga saksi ang kriminal, makaingon ta nga hait ug maayo pa gyod ang panan-aw sa mga saksi. Manghinaut lang ko nga dili lang magpasagad og panignit ang atong mga polis og tawo nga pasanginlan nga kriminal kay ang paghimo sa ingon magmugna og duha ka inhustisya.

TASK GROUP

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with