Mga benepisyo sa pinya (3)
HIMSOG NGA KARAYURAN - Pons Abatayo (Banat) - December 5, 2018 - 12:00am

Ang pagkaon og daghang ‘amino acids’, dugang sa ubang mga nutrens, sama sa vitamin – B, importante kini sa utok alang sa enerhiya ug sa produksyon sa maayong kabuot (good mood) ang hormone sa kalipay (serotonin).

* Motabang sa pakig-away batok sa kanser – Sa tuig 2007, ang mga researchers dunay gipublikar nga artikulo sa ‘Plant Medical Journal’ mahitungod sa pinya. Nga nadiskubrehan  ang ‘bromelain’ sa pinya, mas maayo ug epektibo pa sa naandan nga tradisyonal nga pamaagi sa pagtambal sa kanser pinaagi sa ‘chemotherapy’, nga hasta mga maayong selyula naapil og kamatay.

Kay sa bromelain nga pag-ayo, nakapukos lang sa mga toksik o selyulang kanser nga maoy pilion nga pamatyon, dili sama sa ‘cancer drug treatment’ nga makuridas nga mangamatay ang tanang matang sa selyula sa lawas.

* Mopamenus  sa paghubag – Apil na ni sa benepisyo sa pinya, ang abilidad sa paghupay sa panakit gikan sa arthritis ug mga lutahan.

Ang bromelain mosanta sa panghubag ug tanang panakit, diin bungkagon o dugmokon ang mga ‘fibrin’ nga kemikal sa dugo, nga maoy hinungdan sa mga pagpanakit sa lawas.

* Motabang nga hilison ang kinaon – Gikan sa pagtunaw sa protina, ngadto sa mga ‘amino acids’ ug sa mga ‘peptides,’ maingon man sa katibuk-an nga kalihokan sa sistema sa pagtunaw sa atong kinaon, daku na og matabang niini ang pinya.

Nga sa laktud, atimanon sa pinya ang kahimsog  sa atong ‘digestive system’.

Kay kun kini mao nay mopalyar maamong nga mapuwerhisyo sab ang mga parte sa ‘organ’ nga dili na epektibo sa trabaho.

PINYA
Philstar
  • Latest
Latest