Mga kabataan padumalaon sa siyudad
Richel Ann P. Basiga (Banat) - August 29, 2018 - 12:00am

CEBU, Philippines – Mga estudyanteng Supreme Student Government Presidents gikan sa lain-laing Senior ug Junior High School diri sa Siyudad sa Sugbo nangapil sa proyekto  nga “Know your City Government” ubos sa proyekto ni Mayor Tomas Osmeña.

Ang Know Your City Government usa ka proyekto sa kagamhanan diin gi-tap ang mga publiko ug pribadong eskwelahan diri sa siyudad aron mas maila sa mga batan-ong lider ang lokal nga kagamhanan.

Usa sa tuyo ug tumong aning tulo ka adlaw nga programa nga gitambongan sa 45 ka mga SSG presidents aron mahibaw-an sa mga kabatan-onang lider ang pamaagi sa pagdumala sa mga katawhan ug unsa ang buluhaton sulod sa Cebu City Hall.

Si Marvin Lao Macasero, Cebu City Youth Development Council Admin Aide 3 miingon nga sulod sa tulo ka adlaw nga programa ang 45 ka SSG Presidents diin sila pasuwayon kon unsa ang pamati sa usa ka opisyal sulod sa City Hall.

Aduna kanila molingkod isip Little Mayor, Little Vice-Mayor, Little Liga ng Barangay (LnB) President, Little Sangguniang Kabataan Federation (SKF) President, Little South Councilors, Little North Councilors ug Little Department Heads.

Aduna usab himuong mock session diin molingkod ug mogiya kanila ang mga opisyales sa kagamhanan aron ilang makat-onan unsaon pag-implimentar ug pagpatuman og mga aktibidades para sa komunidad.

Si SK Federation President Jessica Resch miingon nga makatabang kini aron masayran sa mga kabataan kon unsay mga panghitabo karon sa pagdumala sa siyudad.

Lakip sa adtoon sa mga estudyanteng lider ang mga programa sa Long Life ni Mayor Tomas, 24-hours nga Public Library,  Operation Second Chance ug ang Eco-House ni Konsehal Archival.

Ang bag-ong napilian nga Little Mayor sa karong tuiga mao si Nyhll John Ashley Flores, gikan sa Talamban National High School, mapasalamaton  nga napilian siya gawas sa 44 nga mga batan-on.

“It would help me big time because of course the Supreme Student Government is modeled after the Cebu City Government so the processes and system that I will learn (from this) will be applied to my own council,” sigon pa ni Flores.

Karong Agosto 30 mahitabo ang silbing paglingkod nila sa usa ka adlaw ngadto sa gi-design nga posisyon nila sulod sa Cebu City Hall. (/IBM)(BANAT NEWS)

KABATAAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with