Evacuation center tukuron sa Sta. Fe
Le Phyllis F. Antojado (Banat) - August 28, 2018 - 12:00am

CEBU, Philippines — Usa ka evacuation center ang tukuron sa kagamhanan sa Probinsiya sa Sugbo sa Lungsod sa Sta Fe.

Ang maong pasilidad gigahinan og P6.2 milyones ug gipaabot nga karong Agosto 29 mao ang pre-bidding conference sa Bids and Awards Committee (BAC) alang sa kontraktor nga gusto mougmad niini.

Matud ni Julius Regner, tigpamaba sa Provincial Disaster Risk Reduction and Management Office (PDRRMO), nga ang maong evacuation center nga itukod sa Barangay Poblacion, Lungsod sa Sta. Fe usa sa walo nga tukuron sa Kapitolyo sa tibuok probinsiya.

Ang maong pasilidad adunay 179.20-metro kwadrado nga gilapdon diin butangan kini pansayan ug gamit alang sa mga bakwit.

Si Regner nagkanayon nga gipili nila nga sa Lungsod sa Sta. Fe itukod ang maong center sanglit mao kini ang sentro ug mas dali ang pagbalhin sa mga residente ug dali usab ang pag-abot sa mga hinabang panahon kun adunay katalagman nga moabot.

Gawas sa Sta. Fe, hapit na usab mahuman ang evacuation center sa Sibonga ug tukuran sab ang Lungsod sa Isla sa Pilar ug Carmen.

Ang PDRRMO nagkanayon nga angayan lang nga magbutang og evacuation centers sa mga lungsod aron dili himoong bakwitanan ang mga eskwelahan panahon sa katalagman. (BANAT NEWS) 

BIDS AND AWARDS COMMITTEE PRE-BIDDING CONFERENCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with