Buy-bust sa Toledo, usa sikop
CEBU, Philippines - Nasikop sa kapolisan sa Dakbayan sa Toledo ang usa ka lalaki sa gipahigayong buy-bust operation sa Sitio Lawis, Barangay Luray Dos.
Giila ang dinakpan nga si Kevin Laput Juarez, 22, ulitawo nga nagpuyo sa nahisgutang lugar.
Ang operation gipangulohan ni Police Superintendent Ali Baron, hepe sa Toledo City Police Station, ug kaubanan. Usa ka Edgar Labajo Dacuyan alyas Gado, hingkod ang pangedaron, ulitawo ug nagpuyo sa nahisgutang lugar, ang subject sa awtoridad sa buy-bust apan naka-eskapo.
Gipalitan sa poseur buyer ang mga suspek gamit ang duha ka tag P100 isip buy-bust money. Si Dacuyan ang nakabantay sa buy-bust hinungdan nga dali kini’ng naka-eskapo apan iya’ng nabilin ang usa ka medium-size nga giputos og plastik nga gituohang shabu ug laing gagmay nga pakete sa shabu.
Samtang si Juarez ang nasakmitan og duha ka gagmay nga pakete sa gituohang shabu ug drug sniffing paraphernalia.
Ang mao’ng ginadili’ng drugas motimbang og 3.30 gramos nga nagkantidad og P17 mil.
Ang dinakpan nga si Juarez gitanggong na sa Toledo City detention cell samtang si Dacuyan ang padayong gipangita sa kapolisan.
Gikatakda usab nga pasakaan og kaso’ng paghupot og ilegal nga drugas ang duha. (BANAT NEWS)
- Latest
