Armas, shabu nasakmit
CEBU, Philippines – Nasakmit sa kapolisan ang armas ug pinakete’ng shabu sa barangay Pulpogan, Consolacion alas 9 pasado sa niagi’ng gabii.
Si Police Officer 1 Jennefer Punay sa Consolacion Police Station niila sa nadakpan nga si Alejandro Alvarado, hingkod ang panuigon nga nagpuyo sa mao’ng dapit.
Si Inspector Fermin Doque, deputy chief sa kapolisan sa lungsod, ang nangulo sa pagdakop sa suspek.
Lakip sa nasakmit gikan kang Alvarado ang tulo ka gagmay nga pakete ug usa ka medium-sized nga ang tanan gibanabana nga mokabat sa P11,000.
Dugang nasakmit gikan sa dinakpan ang kalibre .38 nga armas nga adunay lima ka bala.
Si Punay niingon nga nakadawat na sila og mga pasiuna’ng kasayuran sa ilegal nga kalihukan sa dinakpan sa lugar. – /GMR) (BANAT NEWS)
- Latest
