^

Naghikog gamit ang uling

(Banat) - July 24, 2015 - 10:00am

CEBU, Philippines - Usa ka Korean national nga gidudahang naghikog ang napalgan sa sulod sa kasilyas   pinaagi sa aso sa gihaling niining uling hangtud nga siya napoot ug namatay kay nag-away kini sa iyang hinigugmang Filipina sud sa usa ka resort  sa Poblacion lungsod sa Dalaguete  sa nakalabay nga gabii.

Ang langyaw naila nga si Sung Hwi Kang, 46, nagpuyo sa maong dapit. Sumala pa sa imbestigador sa Dalaguete Police, Senior Police Officer 3 Cleto Pia nga nahinabi sa Banat News Hunyo 2 unang mi-check in sa maong resort ang langyaw kauban ang iyang hinigugmang Filipina nga naila lang sa ngalang Ann nga giingong 24 anyos ang edad ug molupyo sa Brgy. Ablayan sa bukirong bahin sa maong lungsod.

Matud pa gidala sa maong babaye sa ilang barangay si Sung ug pagka- Hulyo 2 mibalik kini og check-in sa resort hangtud nakighimamat kini sa pamilya sa babaye.

Niadtong Hulyo 15 gikatahong gipahibalo sa langyaw ang resort nga mobalik na kini sa South Korea apan mohapit una kini sa balay sa uyab, apan nahibulong sila nga mi-check in kini pagbalik sa ilaha niana gihapong adlawa.

Nabantayan sa mga taga resort nga dili na mokaon ang langyaw ug magsige na lang kini og inom og beer, wa usab kini gitug-anan sa iyang problema. Katapusan kining nakit-ang buhi niadtong petsa 21 sa alas 6 sa hapon nga naghaling og uling sa gawas sa iyang giabangang lawak kay magluto daw kini og barbecue ug wa na kini nila makit-i pa.

Apan pagkagabii sa petsa 22 nakahukom na ang tagdumala sa resort nga sudlon iyang lawak kauban ang mga polis ug diha nila nabantayan nga naka-lock ang kasilyas sa sud hinungdan nga ilang giguba ang pultahan ug nakita ang lawas sa langyaw nga migahi na.

Nakuha sa mga polis sa sulod ang usa ka bahin sa sin nga maoy gihalingan sa uling. Wala’y aso nga nigawas sa kasilyas kay gi-selyohan diay kini gikan sa sud og plastic tape ang sihang sa pultahan.

Duna’y nakita nga tulo ka resibo sa mall ang kapulisan nga duna’y gisuwat sa Kinoryano ug sa ubos sa sulat nakabutang ang “I love you Ann.”

Si Pia nagtoong nagkalalis ang langyaw ug ang babaye kay nakita kining nilabay sa iyang selpon dihang nabalik kini gikan sa balay sa uyab.

Nakig-alayon ang kapulisan sa Korean Embassy ug maoy nikuha sa lawas sa langyaw. (Jojo C. Ugdol/EIM)(BANAT NEWS)

ANG BANAT NEWS HUNYO CLETO PIA DALAGUETE POLICE FILIPINA JOJO C KINI KOREAN EMBASSY LANGYAW NGA NIADTONG HULYO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with