^

Gun-for hire palpak

Jojo C. Ugdol/RUB (Banat) - March 26, 2015 - 12:00am

CEBU, Philippines - Negosyante’g yuta patyon unta sa tulo ka sakop sa “gun for hire” apan kay wala dayon makabuto ang ilang armas nakabantay ang mga bodyguard sa ilang patyonon ug sila hinuon ang napusilan ug nadakpan didto sa dalan Don Gil Garcia, Capitol Site ni’ng dakbayan sa Sugbo kagahapon sa hapon.

Usa sa mga “gun for hire” nga si Froilan Orlanez nasamdan sa iyang paa samtang ang iyang kauban nga si Charles Garces nadakpan sa mga miresponde nga polis. Sila pulos mga lumolupyo sa Barangay Tinago, dakbayan sa Sugbo. Ang ikatulo nila nga kauban nga giila nga “Michael” ug taga lungsod sa Tabogon, nakamaneho pag-ikyas. Matud pa nga si Michael maoy nagkuha nila ni Garces ug Orlanez nga mouban kaniya pagpatay sa usa ka broker og yuta. Si Orlanez mao ang mimaneho sa motorsiklo nga giangkasan ni Garces diha’ng midali-dali sila pag-ikyas kay nakigpinusilay na kanila ang mga bodyguard sa ilang patyonon.

Nakuhaan si Garces og .45 kalibre nga pistola nga adunay mga bala, usa ka cellphone nga duna pa’y text message gikan sa nagsugo kanila nga mimando nga sigurohon g’yud nga ilang mapatay ang target.

Gihatag pa kanila ang plate number sa sakyanan sa ilang patyonon. Wala ibutyag sa kapolisan ang ngalan sa tawo nga target unta nga patyon sa tulo ka gun for hire.

Adunay pagduda nga usa ka kapitan sa barangay ang patyon unta sa mao nga mga suspetsado. Usa ka guwardiya mitug-an nga wala unta makabantay ang bodyguard apan nakalingi sila tungod sa hagtik sa armas nga wala mobuto dayon.

“Paggawas nako, kita g’yud nako. Wala mibuto ang armas sa usa mao to nga nakabunot ang bodyguard, pinusilay na. Wala unta nakabantay ang bodyguard apan wala man pud kabuto ang armas sa gunman.”

Nanakay og motorsiklo sila si Garces ug Orlanez apan naigo si Orlanez mao nga misarasay ang motor ug mibangga sa usa ka SUV. Natayming nga miagi ang patrol car sa Toledo nga duna’y sakay nga mga sakop sa SWAT ug gigukod nila ang misibat na unta nga si Garces. Nasayran nga si Garces kanhi kawani sa Kapitolyo ug mitug-an nga bayran unta sila og ‘tag P50 mil kun ila pa nga napatay ang target. Ang kawad-on maoy ilang gihimong rason ngano nga napugos sila pagdawat sa tanyag nga adunay patyon.

Giingnan sila nga ang ilang patyonon nakadispalko og P6 milyones. Si Tinago Barangay Kapitan Joel Garganera miingon nga nakaila siya sa duha ka dinakpan ug dili siya makatuo nga sila nagpagamit aron adunay patyon kay si Garces choir gani sa simbahan.- (BANAT NEWS)

BARANGAY TINAGO CAPITOL SITE CHARLES GARCES GARCES ORLANEZ SILA WALA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with