Lolo gipatay sa apo
Darrel Carumba, Bryner L. Diaz (Banat) - September 1, 2013 - 12:00am

CEBU, Philippines - Nadunggaban patay sa 29- anyos nga mag-uuma ang 53- anyos niyang apohan human wala mopatuo dihang iyang giuwang nga nakigsukmagay kaniya diha sa barangay Can-okban lungsod sa Oslob niadtong Biyernes sa alas 8:40 sa gabii.

Ang biktima mao si Ernesto Getubig, 53, ulitawong gulang ug nagpuyo sa maong lugar. Samtang ang suspek mao ang iyang apo nga anak sa igsuon nga si Luciano Aninyon,29, nagpuyo sab sa maong dapit.

Matud ni PO1 Kenneth Zabate sa Oslob Police dihang nahinabi sa Banat News subay sa inisyal nga imbestigasyon ang suspek kauban sa iyang iyaan nga si Elisa Getubig ug bana niining si Bonifacio iyang uyoan ang paingon na unta silang mamauli niadtong higayuna.

Apan ang biktima nga hubog nangatang nila sa dalan ug gikomprontase sila dayung gikalitan og sagpa si Elisa maong nilaban ang bana niini ug nahitabo ang sinukmagay tali sa biktima ug ni Bonifacio.

Ang suspek nga diha sa hitabo misuway og uwang sa away sa iyang uyoan ug apohan ug mao kini nagpatunga aron lang mahunong ang away.

Apan nasuko ang biktima ug ang suspek mao na hinoon ang giatake ug gisukmag nga maayong pagkaigo sa nawong.

Ang suspek tungod sa kalagot nga nasukmagan nibunot kini sa dala niining sundang nga katorse pulgadas ang gitas-on dayun  gihansakan sa tiyan ang biktima.

Ang biktima daw naupos nga kandila ug wala na makalihok ug diretsong nahagba sa yuta.  Gidali unta kini og tabang dayun gihatud sa Oslob District Hospital apan gideklarar nga patay na.

Ang suspek mitahan sa iyang kaugalingon sa mga polis ug nabalhog na karun sa karsel samtang gihikay ang kasong ipasaka batok niya karung Lunes. (BANAT NEWS)

APAN BANAT NEWS BONIFACIO ELISA GETUBIG ERNESTO GETUBIG KENNETH ZABATE LUCIANO ANINYON OSLOB DISTRICT HOSPITAL OSLOB POLICE
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with