Seaman nalataya’g trak

CEBU, Philippines — Patay diha-diha dayon ang usa ka seaman human siya nalatayan sa truck diha sa Cebu South Coastal Road (CSCR) habig sa Barangay Dumlog, Dakbayan sa Talisay kagahapon sa buntag.

Ang biktima mao si Bobby Moniba, 27 anyos nga taga lungsod sa San Fernando.

Samtang ang drayber sa truck nga nagkarga og semento mao so Ondo Kilme, 44 anyos nga taga lungsod sa Argao.

Sa inisyal nga imbestigasyon nasuta nga pulos paingon sa amihanan ang truck ug motorsiklo. Si Kilme niingon nga gikan siya sa middle lane ug paingon sa inner lane anang tungora.

Matud pa niya nga wala siyay nakitang nag-una kaniya ug sa kilid ilabi na motorsiklo hinungdan nga mibalhin siya og lane.

Nakurat nalang siya pagtan-aw niya balik sa side mirror nakita niya ang motor sa biktima padung na og katumba tunga-tungang bahin sa iyang trak.

Wala dayon siya makahunong tungod kay puno man siya sa sako nga semento, bisan unsaon pa niya og brake dili kini dayon makahunong tungod sa gibug-aton.

Apan uwahi na ang tanan tungod kay napasok sa ilawom sa iyang trak ang biktima ug nabangil ang ulo niini sa ligid hinungdan sa iyang kamatayon.

Nagtuo ang drayber nga mi-overtake

Si Patrolman Alexis Vincent Gainsan sa Traffic Division nitataw nga ila nang nakustodiya ang drayber sa truck ug gipaabot pa ang pamilya sa namatay kun mopasaka sila og kaso batok niini.—  IBM BANAT NEWS