P2 milyon shabu nasakmit

CEBU, Philippines — Dili mominos sa dul-an P2 milyones nga balor sa ginadili nga drugas ang nasakmit sa Police Regional Office Central Visayas sa ilang usa ka adlaw nga operations.

Unom ka mga tawo ang nadakpan gikan sa upat ka mga operasyon ug 280.80 grams sa gituohang shabu nga mobalor og P1,900.440 ang nasakmit.

Upat sab ka mga tawo ang nasikop. Dili mominos sa 12 ka mga tawo nasikop sa wanted person diin tulo niini  most wanted ug siyam ang other wanted.

Samtang 1,699 nakalapas sa local ordinances diin niabot ngadto sa 1,074,850 ka pesos ang nahimong multa.

 Gitanggong karon sulod sa holding facilities sa Lapu- Lapu City Police Office (LCPO) ang usa ka inahan nga pusher nga nadakpan sa kapolisan sa Presinto 4 sa buy bust operation nga gipahigayon sa Barangay Agus sa Siyudad sa Lapu-Lapu.

Ang nadakpan giila nga mao si Lea (apilyudo gipugngan) 34 anyos ang panuigon ug nagpuyo sa maong dapit.

Si Police Major Judeth  Besa, hepe sa Presinto 4 sa LCPO maoy nangulo sa buy bust operation nga maoy hinungdan sa pagksikop niini. 

Nakuha nga mga ebidensiya gikan sa maong dinakpan mao ang mga pakete nga shabu nga nagkantidad og P136,000.00 Si Besa miingon nga nakadawat  sila og impormasyon labot sa ilegal niining kalihokan sa maong lugar hinungdan sa gilusad nga operasyon. — IBM BANAT NEWS